இந்தியத் தலைமையமைச்சர் மன்மோகன் சிங், பாகிஸ்தான் தலைமையமைச்சர் Syed Yousuf Raza Gilani ஆகியோரின் அழைப்புகளின் பேரில், சீனத் தலைமையமைச்சர் வென்சியாபாவ் டிசம்பர் திங்கள் 15 முதல் 19ம் நாள் வரை, இவ்விரு நாடுகளிலும் அதிகாரப்பூர்வப் பயணம் மேற்கொள்வார் என்று சீன வெளியுறவு அமைச்சகத்தின் செய்தித் தொடர்பாளர் ஜியாங்யூ அம்மையார் 12ம் நாள் தெரிவித்தார்.

இப்பயணத்தின் போது, வென்சியாபாவ், இந்த நாடுகளின் தலைவர்களுடன் பேச்சுவார்த்தை நடத்துவார். இப்பிரதேசத்தின் அமைதி, நிலைப்பாடு மற்றும் வளர்ச்சியை முன்னேற்ற, இரு தரப்புறவை வளர்ப்பது பற்றியும், பல்வேறு துறைகளில் ஒன்றுக்கு ஒன்று நலன் தரும் ஒத்துழைப்பை ஆழமாக்குவது பற்றியும், பொது அக்கறை கொண்ட சர்வதேச மற்றும் பிரதேசப் பிரச்சினைகள் பற்றியும் அவர்கள் கருத்துக்களைப் பரிமாறிக் கொள்வர் என்றும் ஜியாங்யூ அம்மையார் தெரிவித்தார்.