• முந்தைய வடிவம்• எழுத்துரு
Web tamil.cri.cn 
தமிழகத்தின் புதிய முதலைமைச்சராக கே. பழனிச்சாமி பதவியேற்பு
  2017-02-17 18:27:51  cri எழுத்தின் அளவு:  A A A   
தமிழகத்தின் புதிய முதல் அமைச்சராக கே. பழனிச்சாமி வியாழக்கிழமை பதவியேற்றார். இவருக்கு மாநில ஆளுநர் வித்யாசாகர் ராவ், பதவிப் பிரமாணம் செய்து வைத்தார். அவருடன், 30 அமைச்சர்களும் பதவியேற்றுக் கொண்டனர்.

இதன்மூலம் நீண்ட நாள்களாக நிலவி வந்த அரசியல் குழப்பம் நிறைவுக்கு வந்தது. தனக்கு 124 சட்டப் பேரவை உறுப்பினர்களின் ஆதரவு இருப்பதாக பழனிச்சாமி தெரிவித்திருந்தார். சட்டப் பேரவையில் பெரும்பான்மையை நிரூபிக்க 2 வார கால அவகாசத்தை ஆளுநர் அவருக்கு அளித்திருந்தார்.

ஆனால், அதிமுக செய்தித் தொடர்பாளர் கூறுகையில் சனிக்கிழமை சட்டப் பேரவையில் நம்பிக்கை வாக்கெடுப்பு நடைபெறும் என்று தெரிவித்தார்.

4 முறை சட்டப் பேரவை உறுப்பினராகத் தேர்வு செய்யப்பட்டுள்ள பழனிச்சாமி, கடந்த செவ்வாய்க்கிழமை அதிமுக கட்சியின் சட்டப் பேரவைத் தலைவராகத் தேர்வு செய்யப்பட்டார். முன்னாள் முதல்வர் ஜெயல்லிதா மறைந்த பிறகு, இரண்டாவது முதலமைச்சராக பழனிச்சாமி பதவியேற்றுள்ளது குறிப்பிடத்தக்கது.

உங்கள் கருத்தை பதிவு செய்ய
© China Radio International.CRI. All Rights Reserved.
16A Shijingshan Road, Beijing, China. 100040