• முந்தைய வடிவம்• எழுத்துரு
Web tamil.cri.cn 
கொரியத் தீபகற்ப அணு ஆயுதப் பிரச்சினைக்கு தீர்வு முறை பற்றிய சீனாவின் கருத்து
  2017-04-13 18:13:43  cri எழுத்தின் அளவு:  A A A   

கொரியத் தீபகற்ப அணு ஆயுதப் பிரச்சினையைத் தீர்ப்பது பற்றி ரஷியா மற்றும் அமெரிக்காவின் புதிய கருத்துக்களில் சீனா கவனம் செலுத்தியுள்ளது என்றும், அரசியல் தீர்வு முறை என்ற கோட்பாடு தொடர்பாக பல்வேறு தரப்புகளும் பொதுக் கருத்துக்கு வந்து, முயற்சி மேற்கொள்ள வேண்டும் என விரும்புவதாகவும் சீன வெளியுறவு அமைச்சகத்தின் செய்தித்தொடர்பாளர் லூ காங்  13ஆம் நாள் தெரிவித்தார்.

ரஷிய வெளியுறவு அமைச்சர் செர்கெய் லாவ்ரோவும், அமெரிக்க வெளியுறவு அமைச்சர் திலேசனும் சந்திப்பு நடத்திய பின் செய்தியாளர்களுக்குப் பேட்டியளிக்கையில், கொரிய தீபகற்ப அணு ஆயுதப் பிரச்சினையில் இரு தரப்புகளுக்கிடையே கருத்து வேற்றுமை நிலவிய போதிலும், அரசியல் ரீதியான தீர்வு முறை, இப்பிரச்சினையைத் தீர்ப்பதற்கான ஒரேயொரு வழிமுறையாகும் என்று தெரிவித்தனர். இது குறித்து லூ காங் பேசுகையில், பேச்சுவார்த்தை மற்றும் கலந்தாய்வு மூலம், அமைதி முறையில் கொரியத் தீபகற்பத்தில் அணு ஆயுதமின்மையை நனவாக்கி, தீபகற்பத்தின் அமைதி மற்றும் நிதானத்தைப் பேணிகாப்பது, இப்பிரச்சினையைத் தீர்ப்பதற்கான ஒரேயொரு வழிமுறையாகும் என்றும், இது சீன அரசின் உறுதியான நிலைப்பாடாகும் என்றும் தெரிவித்தார்.(மீனா)

உங்கள் கருத்தை பதிவு செய்ய
© China Radio International.CRI. All Rights Reserved.
16A Shijingshan Road, Beijing, China. 100040