சீனாவின் ஃபூஜியன் மாநிலத்தின் ஃபூச்சிங் பகுதியிலுள்ள அணு மின் நிலையத்தில் "ஹுவாலுங் ஒன்று" எனும் அணு உலைக் கட்டுமானப் பணி அண்மையில் நிறைவேற்றப்பட்டுள்ளது.

"ஹுவாலுங் ஒன்று", சீனா சொந்தமாக ஆய்ந்து உருவாக்கியுள்ள 3ஆவது தலைமுறை அணு மின்சாரத் தொழில் நுட்பமாக திகழ்கிறது. ஃபூச்சிங் அணு மின் நிலையத்தின் 5ஆம் பிரிவில், ஹுவாலுங்-ஒன்று பயன்படுத்தப்படுவது இதுவே முதல்முறையாகும். இது குறித்து சீனத் தலைமை அமைச்சர் லீ கெச்சியாங்கின் அறிவுறுத்தலில், சீனத் தயாரிப்பு 2025 எனும் நெடுநோக்குத் திட்டத்தை நடைமுறைபடுத்தும் போக்கில் முன்மாதிரியான திட்டமாக, ஹுவாலுங் ஒன்று விளங்குகிறது என்று தெரிவிக்கப்பட்டது.