ஒரு மண்டலம் மற்றும் ஒரு பாதை முன்மொழிவின் கட்டுக்கோப்புக்குள் பல்வேறு துறைகளில் இலங்கை-சீன தொழில் நிறுவனங்களின் இணைப்பை வலுப்படுத்தி, இருநாட்டு வர்த்தக மற்றும் முதலீட்டு ஒத்துழைப்பை முன்னேற்ற இலங்கை விரும்புகிறது என்று அந்நாட்டுத் தலைவர்கள் அண்மையில் தெரிவித்தனர்.

இலங்கை அரசுத் தலைவர் சிரிசேனா, தலைமை அமைச்சர் விக்ராமாசிங்கே ஆகியோர் 26, 27 ஆகிய நாட்களில், சீனத் தேசிய மக்கள் பேரவை நிரந்தரக் கமிட்டி உறுப்பினரும் ராண்டி சர்வதேச சிந்தனை கிடங்கின் நிபுணர் குழுத் தலைவருமான சௌ பாய்கே உள்ளிட்ட பலர்களைச் சந்தித்தனர்.

இலங்கைத் தலைவர்கள் கூறுகையில், இருநாடுகளின் பொருளாதார உடன்படிக்கை மற்றும் திட்டப்பணிக்கான ஒத்துழைப்புகளை விரைவுபடுத்த இலங்கை விரும்புகிறது என்றும், இலங்கைக்கான முதலீட்டை சீன தொழில் நிறுவனங்கள் அதிகரிக்க வேண்டும் என விரும்புவதாகவும் தெரிவித்தனர்.

சௌ பாய்கே கூறுகையில், சூரிய ஆற்றல், வேளாண்மை, தொடரவல்ல வளர்ச்சி உள்ளிட்ட துறைகளில் இருதரப்பும் ஒத்துழைப்புகளை வலுப்படுத்த வாய்ப்புள்ளது என்று குறிப்பிட்டார்.(வான்மதி)