காலநிலை மாற்றத்தைச் சமாளிக்கும் பாரிஸ் உடன்படிக்கைக்கு இந்தியா ஆதரவு தெரிவிப்பதாக, பிரான்சில் பயணம் மேற்கொண்டிருந்த இந்திய தலைமையமைச்சர் நரேந்திர மோடி 3ஆம் நாள் கூறினார். அது மட்டுமல்லால் காலநிலை வெப்பமாற்றத்தைக் கட்டுப்படுத்துவதற்காக இந்தியா மேலதிகமாக முயற்சி மேற்கொள்ளும் என்றார் அவர்.

முன்னதாக, ஊடகங்களின் செய்திகளின் படி இந்தியா பாரிஸ் உடன்படிக்கையில் உள்ள வாக்குறுதியை முழுமையாக பின்பற்றும் என்று மோடி பிரான்சில் பயணம் மேற்கொண்ட போது தெரிவித்துள்ளார்.

பாரிஸ் உடன்படிக்கை மனித குலத்தின் பொதுச் செல்வமாகும். இவ்வுடன்படிக்கை எதிர்காலத்தில் பல தலைமுறை மனிதரின் நலன்களைப் பேணிகாக்கும். சுற்றுச்சூழலையும் பூகோளத்தையும் பாதுகாப்பது இந்திய மக்களின் விருப்பம் என்று மோடி கூறினார். (கலைமகள்)