சிரியாவில் பயணம் மேற்கொண்டுள்ள சிரியா பிரச்சினைக்கான சீன அரசின் சிறப்புத் தூதர் சியேசியாவ்யான் 17ஆம் நாள் கூறுகையில், சிரியா பிரச்சினை குறித்து பல்வேறு தரப்புகளுடன் சீனா தொடர்பு கொண்டு வருகிறது. அமைதிப் பேச்சுவார்த்தையை முன்னேற்றுவதன் மூலம், அரசியல் முறையில் சிரியா பிரச்சினைக்குத் தீர்வு காண்பதைத் தூண்டி வருகிறது என்று கூறினார்.

சியேசியாவ்யான் கூறுகையில், அமைதிப் பேச்சுவார்த்தை பயன் பெற்று, அதனைச் செயல்படுத்துவதை முன்னேற்ற சீனா பாடுபட்டு வருகிறது. சிரியாவில் தேசிய நல்லிணக்கம் நனவாக வேண்டும் என்று சீனா விரும்புகிறது. அதே வேளையில், தன்னால் இயன்ற அளவில் மனித நேய உதவியை சீனா வழங்கி வருகிறது. இதுவரை, சிரியாவுக்கு சுமார் 68 கோடி யுவான் மதிப்புள்ள மனித நேய உதவியை சீனா வழங்கியுள்ளது என்று அவர் கூறினார்.（ஜெயா）