லீ பைய் 701ம் ஆண்டில் பிறந்து 762ம் ஆண்டில் மரணமடைந்தார். அவருடைய பிறந்த ஊர் இன்றைய சீனாவின் கான்சு மாநிலத்தைச் சேர்ந்தது. அவருடைய குடும்ப வரலாறும் பிறந்த இடமும் இதுவரை கதையாக திகழ்ந்தன. அவருடைய கவிதைகளைப் படித்தால் அவருடைய குடும்பம் செழுமையானது. பண்பாட்டு அறிவு மிக்கது. குழந்தைகாலத்தில் அவர் பல பல நூல்களை படித்தவர். படிப்பது தவிர அவர் வாள் வீச்சு நன்றாக விளையாடினார். 20 வயதுக்கு மேல் அறிவைப் பெருக்கும் வகையில் லீ பைய் சீனாவின் பல்வேறு இடங்களில் சுற்று பயணம் செய்தார். விவேகமான அவர் கவிதைத் துறையில் தலைசிறந்த பங்கு ஆற்றினார். அப்போது அச்சடிக்கும் துறை போக்குவரத்து ஆகியவை மிக பினதங்கிய நிலையில் இருந்தன. என்றாலும் அறிஞர்களுக்கிடையில் அன்பளிப்பும் பரிமாற்றமும் ஒருவருக்கு ஒருவர் வழங்கியதால் லீ பைய் இளம் வயதிலேயே புகழ் பெற்றார்.

அறிவை கற்றுக் கொண்டு தேர்தலின் மூலம் அதிகாரி பதவி பெறுவது பண்டைய சீனாவில் அறிஞர்கள் எதிர்பார்க்கின்ற இலட்சியமாக இருந்தது. இளைஞரான லீ பையும் அதிகாரி பதவி துறையில் வெற்றி பெற ஆசைபட்டார். அப்போதைய தலைநகரான சான் ஆன் சென்றார். அவருடைய கவிதைகள் பிரமுகர்களின் பரிந்துரை, ஆகியவற்றின் மூலம் 742ம் ஆண்டில் அவர் மன்னராட்சியில் சேர்க்கப்பட்டு கல்வி கழக அதிகாரியாக பதவி ஏற்றார். அப்போது அவருடைய வாழ்க்கை மிகவும் சீராக நடந்தது.

நேர்மையான அவர் அதிகாரிகளின் ஊழலைக் கண்டு கோபமடைந்தார். பேராளசர் அவரை உயர் பதவிக்கு நியமிப்பார் என்று அவர் எதிர்பார்த்தார். இதன் மூலம் அரசியல் திறனை வெளிக்காட்ட முடியும். ஆனால் பேரரசரோ அவரை பயன்மிக்கவர் என கவிஞராகக் கருதினார். தவிரவும் மன்னராட்சியின் அதிகார போக்கும் அவரை துன்பப்படுத்தியது. பேரரசருக்கு அவர் மீது நம்பிக்கை குறைந்தது. விளைவாக லீ பைய் மன்னராட்சி மீது நம்பிக்கை இழந்து சான் ஆனை விட்டு கவிதையும் மதுவும் கொண்டு நாடோடி வாழ்க்கையை மீண்டும் தொடங்கினார்.