தைவான் பிரச்சினை சீன-அமெரிக்க உறவில் மிகவும் முக்கியத்துவம் மற்றும் உணர்வலை தன்மை வாய்ந்த பிரச்சினையாகும். ஒரு சீனா என்ற அடிப்படை எல்லையை எந்த ஒரு சக்தியும் கடந்து செல்வதற்குச் சீனா ஒருபோதும் அனுமதிக்காது.

மனித உரிமைப் பிரச்சினையை எவ்வாறு தீர்க்க வேண்டும் என்பதை அமெரிக்காவின் சில அரசியல்வாதிகள் சிந்திக்க வேண்டும்.

வெளிநாட்டு தடைகள் எதிர்ப்புச் சட்டம் 10ஆம் நாள் சீன மக்கள் பேரவை நிரந்தர கமிட்டியில் வாக்கெடுப்பு மூலம் ஏற்றுக் கொள்ளப்பட்டது. இச்சட்டத்தின் மூலம், நாட்டின் இறையாண்மை, பாதுகாப்பு மற்றும் வளர்ச்சி நலனும், சர்வதேச நீதி நியாயமும் மேலும் வலுவாகப் பேணிக்காக்கப்படும்.சீனாவைத் தடுக்கும் உள்நோக்கத்துடன், சில மேலை நாடுகள் சின்ஜியாங் மற்றும் ஹாங்காங் தொடர்பான விவகாரங்களைப் பயன்படுத்தி, தங்களது உள்நாட்டுச் சட்டத்துக்கிணங்க சீனாவின் அரசு சார் வாரியங்கள் மற்றும் பணியாளர்கள் மீது தடை விதித்து வருகின்றன. இத்தகைய செயல்கள், சீனாவின் உள்விவகாரத்தில் கொடூரமாக தலையிட்டு, ஐ.நாவை மையமாகக் கொண்ட சர்வதேச அமைப்பு முறையை கடுமையாக மீறியுள்ளது.குறிப்பிட்ட சில மேலை நாடுகளின் ஒரு சார்பு தடை நடவடிக்கையை எதிர்கொண்டு, சீனா சட்டத்தைப் பயன்படுத்தி உரிய பதிலடி கொடுப்பது என்பது காலத்துக்கு ஏற்றதாகவும் அவசியமாகவும் உள்ளது. வெளிநாட்டுத் தடைகள் எதிர்ப்பு சட்டத்தை சீனா வெளியிடுவதற்கு, சர்வதேச சட்டத்துக்குப் பொருந்திய நியாயம் உண்டு. அமெரிக்கா உள்ளிட்ட சில நாடுகள் அடிக்கடி மேற்கொள்ளும் மேலாதிக்க செயலுடன் இது வேறுபட்டது. ரஷியாவின் செய்தியேடு ஒன்றில், அமெரிக்கா மற்றும் அதன் கூட்டணி நாடுகளின் அழுத்தத்தை சீன அரசு எதிர்ப்பதற்கு இச்சட்டம் சட்டப்பூர்வ அடிப்படையை உருவாக்கும் என்று கருத்து தெரிவிக்கப்பட்டது.சீனா எடுக்கும் உகந்த பதிலடி, சந்தையில் சட்டப்படி இயங்கும் நிறுவனங்களுக்கும் பொது மக்களுக்கும் பாதிப்பை ஏற்படுத்தாது. சீர்திருத்தம் மற்றும் வெளிநாட்டுத் திறப்பில் நிலைத்து நின்று, சந்தைமயமாக்கம், சட்ட மயமாக்கம் மற்றும் சர்வதேச மயமாக்கத்துக்கு பொருந்தும் வணிகச் சூழலைத் தொடர்ந்து உருவாக்கும் சீனாவின் மனவுறுதியும் மாறாது என்பது குறிப்பிடத்தக்கது.

சட்டமியற்றல் மூலம் சீனாவைத் தாக்க முயலும் சில அமெரிக்கர்களின் செயல், உலக வளர்ச்சி மற்றும் முன்னேற்றத்துக்குப் பாதிப்பு ஏற்படுத்துவது உறுதி.

உலகில் 44 விழுக்காடு கரோனா தடுப்பூசிகள் இப்போது உயர் வருமானமுடைய நாடுகளில் போடப்பட்டுள்ளன. ஆனால் 0.4 விழுக்காடு மட்டும் கரோனா தடுப்பூசிகள் குறைந்த வருமானமுடைய நாடுகளில் போடப்பட்டுள்ளன என்று 7ஆம் நாள் நடைபெற்ற செய்தியாளர் கூட்டத்தில் உலக சுகாதார அமைப்பின் தலைமை செயலாளர் டெட்ரோஸ் அறிவித்தார்.ஜுன் இறுதியில் உலகிற்கு 8 கோடி கரோனா தடுப்பூசிகள் வினியோகிக்கப்படும் என்று அண்மையில் அமெரிக்கா வாக்குறுதி அளித்தது. ஆனால், இது வரை அமெரிக்காவின் உண்மையான நடவடிக்கைகளை சர்வதேச சமூகம் பார்க்கவில்லை.கரோனா தடுப்பூசிகளை வினியோகிப்பது, சர்வதேச உதவியாகும். அரசியல் ஆயுதமல்ல.இப்போது வரை, சீனா, 80க்கும் மேலான வளரும் நாடுகளுக்கு கரோனா தடுப்பூசி உதவி அளித்துள்ளது. 40க்கும் மேலான நாடுகளுக்கு கரோனா தடுப்பூசிகளை ஏற்றுமதி செய்துள்ளது. இதன் மொத்த எண்ணிக்கை 35 கோடியைத் தாண்டியுள்ளது.

சீனச் சுங்க துறை தலைமைப் பணியகம் 7ஆம் நாள் வெளியிட்ட தரவுகளின்படி, இவ்வாண்டின் முதல் 5 திங்கள்களில், சீனாவின் மொத்த ஏற்றுமதி இறக்குமதி தொகை, கடந்த ஆண்டின் இதே காலத்தில் இருந்ததை விட 28.2 விழுக்காடு அதிகரித்துள்ளது. இது, தொடர்ந்து 12 மாதங்களாக அதிகரித்து வருகிறது.சீனாவின் வெளிநாட்டு வர்த்தக மீட்சி வலுவாகவுள்ளதுடன், உலகப் பொருளாதார மீட்சிக்கான ஆதரவையும் நம்பிக்கையையும் வழங்கியுள்ளது. சீன அரசு செயல்படுத்திய பல நடவடிக்கைகள், தொற்று நோயால் பாதிக்கப்பட்ட வெளிநாட்டு வர்த்தக நிறுவனங்களுக்கு ஆதரவை அளித்துள்ளன.உலகளாவிய தொழில் சங்கிலி மற்றும் விநியோகச் சந்கிலியில் சீனா முக்கிய இடம் வகிக்கிறது. இதன் காரணாமாக வலுவான சீன சந்தையானது நாடு கடந்த நிறுவனங்களால் புறக்கணிக்க முடியாத லாப ஆதாரமாக மாறியுள்ளது. சீனாவின் வெளிநாட்டு வர்த்தக நிலைமை தொடர்ந்து மேம்பட்டுள்ள போதிலும், தற்போதைய உலகில் தொற்று நோய் நிலைமை கடினமாக இருக்கின்றது. இது உலக வர்த்தக வளர்ச்சிக்கு அறைகூவலாக அமைந்துள்ளது. புவியமைவு சார் அரசியலும் வெளிநாட்டு வர்த்தக வளர்ச்சிக்குப் பாதிப்புகளை உருவாக்கியுள்ளது பல உறுதியற்ற காரணிகளை எதிர்கொள்ளும், சீனா தொடர்ந்து உலகமயமாக்கம் மற்றும் பலதரப்புவாதத்திற்கு ஆதரவு அளித்து வருகின்றது.

அமெரிக்க வெளியுறவு அமைச்சர் அண்டனி ப்ளிங்கென் 4ஆம் நாள் வெளியிட்ட அறிக்கையில், ஹாங்காங்கின் மனித உரிமை நிலைமை பற்றி பல தவறான கருத்துக்களைத் தெரிவித்து, சீன மக்களுடன் இணைந்து நின்று வருவதாகக் கூறினார். இது பெரிய கேலிப்பேச்சுதான்.அமெரிக்காவில் கோவிட்-19 நோய் பாதிப்பினால் 6 லட்சத்துக்கும் மேற்பட்டோர் உயிரிழந்துள்ள உண்மையைப் புறக்கணித்து விட்டு அவர் செயல்படுகிறார். 1997ஆம் ஆண்டில் ஹாங்காய் தாய்நாட்டுக்குத் திரும்பிய பிறகு, ஹாங்காங் அடிப்படைச் சட்டம், தேசியப் பாதுகாப்புச் சட்டம் ஆகிய சட்டங்களின் நடைமுறையாக்கத்தையும், ஹாங்காங் தேர்தல் முறைமையை மேம்படுத்தும் நடவடிக்கையின் வெளியீட்டையும் அவர் கண்டும் காணாமல் இருப்பது போல், மனித உரிமை, ஐனநாயகம் ஆகியவற்றைச் சாக்குப்போக்காகக் கொண்டு, சீனாவின் உள்விகாரத்தில் தலையிட்டு வருகிறார். அமெரிக்க அரசியல்வாதிகள் சிலர் தொற்று நோய்க்கு முன் தனது அரசியல் நலனை பொது மக்களின் உயிர் பாதுகாப்புக்கு மேல் வைக்கும் அசிங்கமான தோற்றத்தை இது முழுமையாக வெளிப்படுத்தியுள்ளது. மேலும், ஓராண்டுக்கும் மேலாக கோவிட்-19 நோய் பரவலால், அமெரிக்காவில் நீண்டகாலமாக நிலவி வரும் இனவெறி பாகுபாடு, பணக்காரர்-ஏழை இடைவெளி உள்ளிட்ட தீரா நோய் போன்ற பிரச்சினைகள் மோசமாகி வருகின்றன.மனித உரிமை என்பதற்குப் பதிலாக மேலாதிக்கத்துக்காகவே ப்ளிங்கென் போன்ற அமெரிக்க அரசியல்வாதிகள் செயல்பட்டு வருகின்றனர். ப்ளிங்கென் அமெரிக்க மக்களுடன் இணைந்து நின்று, அவர்களின் உயிர் மற்றும் உடல்நல உரிமையில் கவனம் செலுத்த வேண்டும் என்று கேட்டுக் கொள்கிறோம்.

அமெரிக்க அரசியல்வாதிகள் கரோனா வைரஸ் தோற்றத்தை  சாக்குப்போக்காகக் கொண்டு, சீனாவின் மீது தொடந்து பழி தூற்றி வருகின்றனர். அமெரிக்காவின் மேலாதிக்கப்போக்கை இது வெளிப்படுத்துகிறது. உலகளவில் கரோனா வைரஸ் பரவல் தடுப்பிலும் சர்வதேச ஒழுங்கிலும் இது கடும் பாதிப்பை ஏற்படுத்தும் என்பதில் ஐயம் இல்லை.நடப்பு அமெரிக்க அரசு உலகச் சுகாதார அமைப்பில் மீண்டும் சேர்ந்து, பலதரப்புவாதம் என்ற கருத்தைப் பரவல் செய்த போதிலும், உலகச் சுகாதார அமைப்பு சீனாவில் மேற்கொண்ட ஆய்வின் முடிவை அமெரிக்கா ஏற்றுக்கொள்ளவில்லை. அமெரிக்க அரசியல்வாதிகள் உண்மைகள் மற்றும் மனித உயிர்களின் மீது கவனம் செலுத்தவில்லை என்பதை இது எடுத்துக்காட்டுகிறது.மேலும், அவர்கள் சீனாவின் மீது பழி தூற்றுவது, தற்போது உலகளவில் கரோனா வைரஸ் பரவல் தடுப்புக்கான ஒத்துழைப்பைப் பாதித்துள்ளது. ஒரு மனத்துடன் ஒத்துழைப்பு மேற்கொள்வது தான், வைரஸைத் தோற்கடிக்கும் வலிமைமிக்க வழிமுறையாகும்.கரோனா வைரஸ் பரவல் தடுப்புக்குச் சீனா என்னென்ன பங்காற்றியுள்ளது？இதுவரை, வைரஸால் பாதிக்கப்பட்ட வளரும் நாடுகளுக்கு 200 கோடி அமெரிக்க டாலர் மதிப்புள்ள உதவியளித்துள்ளதோடு, 150க்கும் மேலான நாடுகள் மற்றும் 13 சர்வதேச அமைப்புகளுக்கு தடுப்புப் பொருட்களை வழங்கியுள்ளது.வைரஸ் பரவல் தடுப்புக்கான வளரும் நாடுகளின் தேவையைக் கை கட்டி வேடிக்கை பார்த்து வரும் அமெரிக்கா, உலகின் பல்வேறு நாடுகளுக்கு உதவியளித்து வருகின்ற சீனாவின் மீது பழி தூற்றி வருகிறது. இது சர்வதேச அறநெறி மற்றும் நீதிக்குப் புறம்பானது.தற்போது, கரோனா வைரஸ் பரவல் தடுப்புப் போராட்டம் இன்னும் முடியவில்லை. அமெரிக்க அரசியல்வாதிகள் “அரசியல் வைரஸை”பரப்புவதை செய்ய உடனே நிறுத்தி, ஒத்துழைப்புப் பாதைக்கு மீண்டும் திரும்ப வேண்டும்.

கரோனா வைரஸ் தோற்ற ஆய்வு தொடர்பாக அமெரிக்க அரசு அண்மையில் வெளியிட்ட 300 ஆங்கில சொற்கள் கொண்ட அறிக்கை ஒன்றில், உளவு நிறுவனம் என்பது 6 முறை சுட்டிக்காட்டப்பட்டுள்ளது, ஆனால் அறிவியல் என்ற வார்த்தை ஒருமுறை கூட இடம்பிடிக்கவில்லை.ஆய்வகத்திலிருந்து கரோனா வைரஸ் கசிந்தது என்ற கூற்று, உலக சுகாதார அமைப்பு மற்றும் சர்வதேச அறிவியல் துறையால் மறுக்கப்பட்டதால், அமெரிக்க அரசியல்வாதிகள் சிலர் பெரும் ஏமாற்றம் அடைந்தனர். அவர்கள் உளவு நிறுவனத்தைப் பயன்படுத்தி, அரசியல் முறையில் அறிவியல் சார் பிரச்சினைக்குத் தீர்வு கண்டு, சீனாவை பலிகடாவாக மாற்றும் நாடகத்தை தொடர்ந்து அரங்கேர்றி வருகின்றனர். அறிவியலுக்குப் புறம்பான அவர்களின் செயல்கள் மிகவும் அபத்தமாகி உள்ளது！கரோனா வைரஸ் தோற்ற ஆய்வில், உளவாளிகளுக்குப் பதிலாக அறிவியலாளர்களைச் சார்ந்திருக்க வேண்டும், குற்றத்தின் யூகத்துக்குப் பதிலாக நியாயமான நிலைப்பாட்டைப் பின்பற்ற வேண்டும், எதிர்ப்புக்குப் பதிலாக ஒற்றுமையுடன் ஒத்துழைக்க வேண்டும். வைரஸ் தோற்ற ஆய்வு மேற்கொள்ள உளவுத் துறைக்கு அமெரிக்கா உத்தரவிட்டு, தனது அரசியல் நோக்கத்துக்காக இவ்வாய்வுக்கான சர்வதேச ஒத்துழைப்பில் வேண்டுமென்றே தலையிடும் செயல், எல்லையற்ற பாதிப்பை ஏற்படுத்தும். அமெரிக்காவின் இச்செயல்தான் விசாரிக்கப்பட வேண்டும்.

புதிய ரக கரோனா வைரஸ் தோற்றம் பற்றி, அமெரிக்கா அண்மையில் வேண்டுமென்றே புதிய சுற்று பரப்புரை செய்யத் தொடங்கியது.முதலில், உலகச் சுகாதார மாநாட்டை முன்னிட்டு, வால் ஸ்ட்ரீட் ஜர்னல் வெளியிட்ட கட்டுரையில், ஒரு ரகசியமான உளவுத் தகவலின்படி, கரோனா வைரஸ் தோற்றம் வூஹான் வைரஸ் ஆய்வகத்துடன் தொடர்புடையது என்று தெரிவிக்கப்பட்டுள்ளது. அமெரிக்க ஊடகங்கள் இதைப் பின்பற்றி வேண்டுமென்றே பரப்புரை செய்து வருகின்றன. இதையடுத்து, பொது மக்கள் அளித்த நிர்ப்பந்தம் என்ற சாக்குப்போக்கால், உளவுத் துறை ஆய்வு மேற்கொள்ள வேண்டும் என்று அமெரிக்க அரசியல்வாதிகள் கட்டளை பிறப்பித்தனர்.உளவுத் துறை அறிவியல் ஆய்வு செய்வது நகைப்பிற்கிடமானது. மேலும், அமெரிக்க உளவுத் துறைக்கு நம்பகத்தன்மை என்று எதுவும் இல்லை என்பது குறிப்படத்தக்கது.இந்தக் கேலிக் கூத்தால் உலகத்தை ஏமாற்ற முடியாது. கரோனா வைரஸ் தோற்ற ஆய்வு, அரசியலால் கடுமையாகப் பாதிக்கப்பட்டு வருகிறது என்று உலகச் சுகாதார அமைப்பு பலமுறை எச்சரிக்கை விடுத்துள்ளது. பொய் கூற்றின் அடிப்படையிலான முடிவை யாரையும் நம்ப வைக்க முடியாது.

வைரஸ் தோற்ற ஆய்வைப் பயன்படுத்தி சீனா மீது மீண்டும் பழி தூற்றும் அமெரிக்க அரசியல்வாதிகள் சிலர் முழு உலகின் குற்றச்சாட்டுக்கு ஆளாக்கப்பட்டுள்ளனர்.பொய் கூற்றை உருவாக்குவதில் தேர்ச்சி பெற்ற அமெரிக்க உளவு துறையிடம் கேட்பதற்குப் பதிலாக அறிவியல் துறையிடம் வைரஸ் தோற்றத்துக்கான விடையைக் கேட்க வேண்டும் என்பது, பொது அறிவு கொஞ்சம் கொண்டவர்களும் கூடத் தெரியும். நோய் தொற்று தடுப்பின் தோல்விக்குப் பொறுப்பேற்க வேண்டிய அமெரிக்க அரசியல்வாதிகள் இப்பொறுப்பை தட்டிகழித்து, சீனாவைக் கட்டுப்படுத்தும் வகையில் அரசியல் கேலிக்கூத்தை திட்டமிட்டு செயல்படுத்தி, அறிவியலை காலில் மிதித்து மக்களின் உயிரை அலட்சியம் செய்துள்ளனர்.சுயநலனை முதலிடத்தில் வைத்து அறிவியலுக்குப் புறம்பான நிலையில் செயல்படும் அமெரிக்க அரசியல்வாதிகளால், அந்நாட்டு மக்கள் கடுமையாகப் பாதிப்படைந்துள்ளனர். சுமார் 6 லட்சம் உயிரிழப்பு, அவர்களின் மனச்சாட்சியைத் எழுப்ப முடியவில்லை. வைரஸ் தோற்ற ஆய்வை அரசியலுடன் இணைக்கும் அவர்கள் உலக மக்களின் உயிர் பாதுகாப்பை மேலும் பெரும் அபாயமான நிலையில் வைப்பதில் ஐயமில்லை. மனிதகுலத்தின் எதிரியாக அவர்கள் மாற முயல்கிறார்களா என்ற கேள்வி எழுகிறது.வைரஸ் தோற்ற ஆய்வு அறிவியல் சார் விஷயம். குற்றம் சாட்டும் விளையாட்டு அல்ல. இது, அமெரிக்க அரசியல்வாதிகளின் சுயநலனை பூர்த்தி செய்யும் கருவியாக ஒருபோதும் மாற்றக் கூடாது. சுயநலனுக்காக அறிவியலை காலில் போட்டு மிதிப்பவருகளுக்கு இறுதியில் உறுதியாகத் தண்டனை கிடைக்கும்.

74ஆவது உலக சுகாதார மாநாடு 1ஆம் நாள் முடிவடைந்தது. இக்கூட்டத்தின் போது, புதிய ரக கரோனா வைரஸ் தோன்றிய கடத்தைக் கண்டுபிடிக்கும் பிரச்சினையை அமெரிக்க அரசியல்வாதிகள் மீண்டும் வேண்டுமென்றே பரப்புரை செய்து, சர்வதேச கள ஆய்வில் சீனா ஒத்துழைக்க வேண்டும் எனக் கோரினர். தற்போது, உலக சுகாதார அமைப்பின் தலைமையில் வைரஸின் தோற்றத்தைத் தொடர்ந்து தேடும் பணிகளின் சீனாவின் பங்கு முடிவடைந்தது. ஆனால், தொற்றுநோய் தடுப்பு குறித்த சொந்த சந்தேகங்களை அமெரிக்கா முதலில் தெளிவுபடுத்தி, சர்வதேச சமூகத்தின் கள ஆய்வை ஏற்றுக்கொள்ள வேண்டும். தொற்று நோய் பரவலுக்கு பின், சர்வதேச சமூகத்திற்கு அமெரிக்கா தெளிவாக விளக்க வேண்டிய பல விஷயங்கள் உள்ளன. மிகவும் முக்கிய ஃபோர்ட் டெட்ரிக் உயிரியல் ஆய்வகம் இவற்றில் ஒன்றாகும். அத்துடன், உலகில் 200க்கும் மேற்பட்ட உயிரியல் ஆய்வகங்களை அமெரிக்கா கொண்டுள்ளது. அவற்றின் செயல்பாடுகள், பயன்பாடுகள், பாதுகாப்பு ஆகியவற்றை அமெரிக்கா ரகசியமாக வைத்துள்ளது. தவிர, அமெரிக்காவின் முதல் நோயாளி எப்போது தோன்றினார் என்பது இதுவரை தெரியாது. சீனாவைப் போலவே, அமெரிக்கா உலக சுகாதார அமைப்புடன் இணைந்து, வைரஸ் தோற்றத்தை ஆய்வுப் பணிகளை மேற்கொண்டு, உலக தொற்று நோய் தடுப்பு மற்றும் கட்டுபாட்டு பணிகளுக்கு பங்காற்ற வேண்டும்.

அண்மையில் டென்மார்க் வானொலி நிறுவனம் வெளியிட்ட சிறப்பு அறிக்கையில், அமெரிக்க தேசியப் பாதுகாப்பு நிறுவனம் டென்மார்க் இணையத்தைப் பயன்படுத்தி, அசல் தரவுகளைப் பெற்று, ஜெர்மனி தலைமையமைச்சர்  ஏஞ்சலோ மெர்க்கெல் அம்மையார் உள்ளிட்ட ஐரோப்பிய நாட்டு தலைவர்கள் பலரின் செயல்பாடுகளை உளவுபார்த்தது எனத் தெரிவிக்கப்பட்டது.உள்நாட்டு மற்றும் வெளிநாட்டு தொலைபேசி மற்றும் இணைய தகவல்களை அமெரிக்க அரசு விரிவான முறையில் உளவுபார்த்ததை செய்தி ஊடகங்கள் 2013ஆம் ஆண்டு அம்பலப்படுத்தின. மெர்க்கெலின் கைப்பேசி 10 ஆண்டுகளாகக் கண்காணிக்கப்பட்டது.அண்மையில், ஜெர்மனி, பிரான்ஸ், நேர்வே, ஸ்வீடன் போன்ற பல ஐரோப்பிய நாடுகள் அமெரிக்காவிடம் விளக்கம் கேட்டன. இது வரை, இவற்றின் கூட்டணி நாடான அமெரிக்கா எந்த விளக்கமும் கொடுக்கவில்லை.ஐரோப்பியர்கள் விழிப்புடன் இருக்க வேண்டும். மேலாதிக்கத்தைக் கடைபிடிக்கும் அமெரிக்க அரசியல்வாதிகளைப் பொறுத்த வரை, “அமெரிக்காவே முதல்” என்பது அவர்களின் ஒரே கொள்கையாகும்.10 நாட்களுக்கு பின், அமெரிக்க அரசுத் தலைவர் பைடன் ஐரோப்பாவில் பயணம் மேற்கொள்ள உள்ளார். ஆனால், இந்தப் புதிய உளவு பார்ப்பு சம்பவம் ஐரோப்பிய நாடுகளுக்கு தலையில் அடித்தது போல் உள்ளது. நீண்டகாலமாக ஒற்றுக்கேட்டதால், சர்வதேச நற்பெயரை அமெரிக்கா இழந்துள்ளது. ஐரோப்பிய நாடுகள் அமெரிக்காவின் உண்மையான முகத்தைக் கண்டுகொள்ள வேண்டும்.

வைரஸ் தோற்ற ஆய்வுப் பணி அரசியலால் பாதிக்கப்பட்டு வருகிறது என்று உலக சுகாதார அமைப்பின் அவசரத் திட்ட செயல்பாட்டு இயக்குநர் மைகில் ராயன் அண்மையில் வெளிப்படையாகத் தெரிவித்தார். ஆய்வகத்தில் வைரஸ் கசிவு என்ற கூற்றை மீண்டும் பரப்பிய அமெரிக்க அரசியல்வாதிகள் சிலரின் மீதான சர்வதேச சமூகத்தின் குற்றஞ்சாட்டை இது பிரதிபலிக்கிறது.சீனாவில் பலமுறை ஆய்வுப் பயணம் மேற்கொண்ட உலக சுகாதார அமைப்பு இவ்வாண்டின் மார்ச் திங்கள் வெளியிட்ட அறிக்கையில், புதிய ரக கரோனா வைரஸ் ஆய்வகத்திலிருந்து மனிதருக்குப் பரவுவதற்கான வாய்ப்பு மிக மிகக் குறைவு என்று உறுதிப்படுத்தியுள்ளது.ஆனால் சீனா மீது மீண்டும் பழி தூற்றும் விதம் அமெரிக்க அரசியல்வாதிகள் சிலர் அறிவியலுக்குப் புறம்பான முறையைப் பயன்படுத்தி வருவது அபத்தமாக உள்ளது. ஆய்வு மேற்கொள்ள உளவுத் துறைக்கு கட்டளையிட்டது, 90 நாட்கள் ஆய்வு வரம்பை வகுத்தது, ஈராக்கில் பேரழிவு ஆயுதங்கள் இருப்பதற்கான சான்றுகளை உளவுத் துறை பெற்றுள்ளதாக தெரிவித்திருந்த செய்தியாளர் மைகில் கோர்டன் வூஹான் ஆய்வகத்திலிருந்து வைரஸ் கசிந்ததாக பொய் கூற்றை பரப்பியது ஆகியவை எல்லாம் அமெரிக்காவின் அரசியல் சூழ்ச்சிதான்.உலகளவில் சீனாவின் செல்வாக்கை எவ்வாறு பாதிக்க முடியுமோ அவ்வாறு செய்ய அரசு முயலும் என்று அமெரிக்க ஜார்ஜிடவுன் பல்கலைக்கழகத்தின் பேராசிரியர் கவனா அண்மையில் பேட்டியளித்த போது தெரிவித்தார். சீனாவை தனது மிகப் பெரிய போட்டியாளராகக் கருதும் பின்னணியில் அமெரிக்கா செயல்படுவதை இது காட்டுகிறது.

சீனாவுக்கான ஜப்பான் தூதரகம் தனது இணையதளத்தில் ஃபுகுஷிமா அணு மின் நிலையத்தின் கழிவு நீர் பிரச்சினை தொடர்பான கேள்விகள் மற்றும் பதில்களை வெளியிட்டது. கடலில் ஜப்பான் வெளியேற்ற உள்ள கழிவு நீர், கதிரியக்க நீர் அன்றி, ஏஎல்பிஎஸ்（ALPS） சாதனத்தால் கையாளப்பட்ட நீர்தான் என்றும், இச்செயல் சர்வதேச வழக்கத்துக்குப் பொருந்தியதுதான் என்றும் தெரிவிக்கப்பட்டது.சர்வதேச சமூகத்தின் குற்றச்சாட்டுகளை எதிர்கொண்டுள்ள ஜப்பான் அரசு தொடர்ந்து தவறான செயலில் பிடிவாதமாக ஈடுபட்டு, கருத்தாக்கத்தை மாற்றுவதன் மூலம் சொந்த பொறுப்பைத் தட்டிகழிக்க முயன்று வருகிறது.ஆனால் ஜப்பானின் சூழ்ச்சியால் உலகம் ஏமாறாது. ஃபுகுஷிமா அணு மின் நிலையத்தின் விபத்தில் ஏற்பட்ட கழிவு நீரில் பல்வகை கதிரியக்க அணுக்கருக்கள் உள்ளன. சிக்கலான பொருட்களைக் கொண்ட இந்த நீர், இயல்பான நிலையில் இயங்கும் அணு மின் நிலையத்தில் குளிரூட்டும் நீருடன் முற்றிலும் வேறுபட்டது என்று பல நிபுணர்கள் தெரிவித்துள்ளனர். சர்வதேச வரையறைக்கு ஏற்ப குளிரூட்ட நீரை கடலில் வெளியேற்ற முடியும். ஆனால், கதிரியக்க நீரை வெளியேற்றக் கூடாது. ஆனால், இவ்விரண்டையும் ஒரே மாதிரி என ஜப்பான் குழப்பிக் கொள்கிறது. இது, சர்வதேச சமூகத்தின் நம்பிக்கையை இழந்து விடும் இழிவான செயலாகும்.

சீனாவின் ஹாங்காங் சிறப்பு நிர்வாகப் பிரதேசத்தின் சட்டமியற்றல் குழு, அதிக வாக்குகளுடன் 2021ஆம் ஆண்டு தேர்தல் முறையை மேம்படுத்தும் வரைவுத் தீர்மானத்தை ஏற்றுக்கொண்டது குறித்து அமெரிக்க வெளியுறவு அமைச்சர் பிளிங்கன் 27ஆம் நாள் கூறுகையில், ஹாங்காங் மக்கள் தன்னாட்சியில் பங்கெடுத்து, கருத்துக்களை வெளிப்படுத்தும் வழியை இது கடுமையாக தடைசெய்துள்ளது என்றார்.அமெரிக்காவின் கருத்து எதிர்பார்த்த ஒன்றுதான். ஹாங்காங்கின் ஜனநாயக அமைப்பு முறையில் முன்னேற்றம் அடைந்தபோதெல்லாம், அமெரிக்கா பொய்களைப் பரப்புவது வழக்கம்.ஜனநாயகம், சுதந்திரம், மனித உரிமை ஆகியவற்றில் அமெரிக்கா வெளியிட்ட ஹாங்காங் பற்றிய அறிக்கைகள் ஹாங்காங் அமைதியை சீர்குலைத்து, சீன வளர்ச்சியைக் கட்டுப்படுத்தி, சீன உள் விவகாரத்திலும் தலையீடு செய்தது.சீன அரசு மற்றும் பொது மக்களின் முயற்சிகளால், ஹாங்காங்கில் புதிய ஒழுங்கு மற்றும் தோற்றம் காணப்பட்டுள்ளன. தேர்தல் முறையை மேம்படுத்துவது என்பது ஹாங்காங் மக்களின் மனதில் பிறந்த கருத்தும் ஆகும் என்று ஹாங்காங்கின் பல பிரமுகர்கள் தெரிவித்துள்ளனர்.

கரோனா வைரஸ் பற்றிய ஆரம்பத் தொற்றுகள் உலகின் பல நாடுகளிலும் கண்டறியப்பட்டு வருகின்றன. இது, இவ்வைரஸின் தோற்றம் தொடர்பான ஆய்வை உலகளவில் மேற்கொள்ளப்பட வேண்டியதை வெளிப்படுத்தியுள்ளது.

இன்றிருக்கும் நிலையில் கரோனா பெருந்தொற்றை வெல்வதற்கான சிறந்த ஆயுதமாகத் தடுப்பூசியே கருதப்படுகின்றது. தடுப்பூசி விநியோகத்தைப் பொருத்தவரை தேசியவாதச் சிந்தனையை நிராகரித்து நியாயமான விநியோகத்தை ஊக்குவிக்க வேண்டும்.

அமெரிக்காவில் இனவெறியால் வன்முறை சட்ட அமலாக்கம் குறையவில்லை. மாறாக, ஓரளவில் இந்த செயலுக்கு மேலதிக பாதுகாப்பு கிடைத்துள்ளது. அமெரிக்காவில் அமைப்பு முறை ரீதியிலான இனவாதம் தீவிரமாகியுள்ளது குறிப்பிடத்தக்கது.

ஜனநாய முற்போக்கு கட்சி சீர்குலைத்த முடிவு இது தான்.