|
உருளைக்கிழங்கு இடம்பெறும் ஒரு உணவு
cri
க்ளீட்டஸ் – சீன உணவு வகைகளின் தயாரிப்பு மூலம் சீனப் பண்பாடு பற்றியும் ஓரளவு அறிந்து கொள்ள முடியும்.
க்ளீட்டஸ் – வாணி, இன்றைய நிகழ்ச்சியில் எந்த வகை உணவு பற்றி கூற இருக்கின்றோம்？
 வாணி – அனேகமாக, அனைவரது சமையல் அறையிலும் காணப்படும் ஒரு பொருளை வைத்து செய்யப்படும் உணவு வகை தான். அப்பொருள் உருளைக்கிழங்கு.
க்ளீட்டஸ் – உலகில் எந்த வகை காய்கறியோ, பழமோ, உணவில் சேர்க்கப்படுவதில் உருளைக்கிழங்கின் பங்கை விட வேறு எதுவும் அதிகம் பயன்படுத்தப்படுவதில்லை.
வாணி – பிரான்ஸ் மக்கள் அதனை நிலத்தடி ஆப்பில் என்று அழைக்கின்றனர். ரஷிய மக்கள் அதனை 2வது பொட்டி என்று அழைக்கின்றனர். ஏன் உருளைக்கிழங்கு ஐரோப்பாவைச் சீரமைத்துள்ளது என்று ஊட ஆய்வாளர்கள் கூறுகின்றனர்.
க்ளீட்டஸ் – நீங்கள் அழகாக உருளைக்கிழங்கைப் பாராட்டினீர்கள்.
வாணி – இது வாணியின் பாராட்டு அல்ல. பொதுவான கருத்தாகும்.
க்ளீட்டஸ் – இன்றைய உலகில், உணவு தானியங்களின் விலை அதிகமாக உயர்ந்த நிலைமையில், உருளைக்கிழங்கின் முக்கியத்துவம் மக்காச்சோளம் மற்றும் கோதுமையைத் தாண்டியுள்ளது என்று கூறலாம். சரி, இன்றைய நிகழ்ச்சியில் இடம்பெறும் உணவில், உருளைக்கிழங்கை எப்படி சமைக்க வேண்டும்？
வாணி – மிகவும் எளிதான முறையில் உருளைக்கிழங்கைச் சமைக்க இருக்கின்றோம்.
க்ளீட்டஸ் – நல்லது. தேவையான பொருட்கள் பற்றி கூறுங்கள்.
வாணி – முதலில்,
நடுத்தர அளவுடைய உருளைக்கிழங்குகள் 2
காய்ந்த சிவப்பு மிளகாய் 2
எள்ளு ஒரு தேக்கரண்டி
சிவப்பு மிளகு அரை தேக்கரண்டி
சோம்பு அரை தேக்கரண்டி
உணவு எண்ணெய் 2 தேக்கரண்டி
உப்பு போதிய அளவு
க்ளீட்டஸ் – வாணி, இன்றைய உணவில் முக்கிய பொருள் உருளைக்கிழங்கு மட்டும் தான்.
வாணி – ஆமாம். முதலில், அவற்றின் தோலை பிரித்து கொள்ளுங்கள். பிறகு, தேங்காய் துருவி் மூலம் அவற்றை துருவிக் கொள்ள வேண்டும்.
க்ளீட்டஸ் – ஒரு பெரிய பாத்திரத்தில் தண்ணீரை ஊற்றி, துருவிய உருளைக்கிழங்கை அதில் கொட்டவும்.
வாணி – கத்தரிக்கோல் மூலம் காய்ந்த சிவப்பு மிளகாய்களை சிறிய அளவாக கத்தரித்துக் கொள்ளுங்கள். பிறகு, வாணலியை அடுப்பின் மேல் வைத்து, காய்ந்த மிளகாய், சிவப்பு மிளகு, எள்ளு, சோம்பு ஆகியவற்றை போட்டு நன்றாக வதக்கவும்.
க்ளீட்டஸ் – வதக்கப்பட்ட பொருட்களை வாணலியிலிருந்து வெளியேற்றி, மாவாக்க வேண்டும்.
வாணி – வாணலியை மீண்டும் அடுப்பின் மேல் வைத்து, அதில் உணவு எண்ணெயை ஊற்றவும். சூடான எண்ணெயை தயாரிக்க வேண்டும். பிறகு எண்ணெயை வதக்கப்பட்ட மிளகாய் மாவில் ஊற்றலாம். இப்போது மிளகாய் எண்ணெய் தயார்.
க்ளீட்டஸ் – வேறு ஒரு சுத்தமான வாணலியில் தண்ணீரை சூடுபடுத்துங்கள். துருவப்பட்ட உருளைக்கிழங்கை அதில் போட்டு, சுமார் ஒரு நிமிடம் வேகவிடுங்கள்.
வாணி – வாணலியிலிருந்து வெறியே எடுக்கப்பட்ட உருளைக்கிழங்கை தண்ணீரில் குளிராக்க வையுங்கள். அவற்றை மிளகாய் எண்ணெய், உப்பு ஆகியவற்றுடன் கிளறவும்.
க்ளீட்டஸ் – இப்போது இன்று சுவையான உருளைக்கிழங்கு உணவு தயார்.
வாணி – உருளைக்கிழங்கு பற்றிய உணவு வகைகள் இன்னும் அதிகமானவை.
க்ளீட்டஸ் – எதிர்கால நிகழ்ச்சிகளில் அவற்றின் தயாரிப்பு முறை பற்றி மேலும் எடுத்து கூறுவோம்.
|
|
