வணக்கம், நண்பர்களே. தென்மேற்கு சீனாவின் யூனான் மாநிலத்தின் தேஹுங் மற்றும் சிஷுவாங்பான்னா பிரதேசத்தில் வாழும் தைய் இனத்துக்கு தனிச்சிறப்பு மிக்க ஒரு வகை பண்பாட்டு மரபுச்செலவம் உண்டு. மர இலையில் படைக்கப்பட்ட தைய் இனத்தின் பண்பாடு என்று இது அழைக்கப்படுகின்றது. புத்த மதப் படைப்புகள், தைய் இனத்தின் வானியல் நாட்காட்டி, சமூக வரலாறு, தத்துவம், சட்ட விதிகள், மருத்துவ மற்றும் மருந்துகள், அறிவியல் தொழில் நுட்பங்கள் முதலியவை இந்த பனை ஓலைச்சுவடியில் தொகுக்கப்பட்டுள்ளன. தைய் இன பண்பாட்டின் கருவூலமாக இது கருதப்படுகிறது. உள்ளூர் பிரதேசத்தில் மிகவும் பரந்த அளவில் பரவிய மயில் இளவரசியின் கதையும் இப்படைப்புகளில் இடம்பெற்றுள்ளது. 2008ஆம் ஆண்டு ஜுன் திங்கள், தைய் இனத்தின் பனை ஓலைச்சுவடி படைப்புக் கலை சீனாவின் 2வது தேசிய நிலை பொருள் சாரா பண்பாட்டு மரபுச் செல்வங்களில் சேர்க்கப்பட்டது. இன்றைய நிகழ்ச்சியில் பனை ஓலைச்சுவடி படைப்பு பற்றியும் இக்கலையின் வாரிசு காங்லாஞ்சோ பற்றியும் உங்களுக்கு அறிமுகப்படுத்துகின்றோம்.

ஓலைச்சுவடிப் படைப்புக் கலை இந்தியாவில் தோன்றியது. 7ஆவது நூறாண்டில் இது சீனாவின் யூனான் மாநிலத்தின் தைய் இன வசிப்பிடத்துக்கு பரவி, தைய் இனத்தின் புத்த மதக் கோயில்களில் பொதுவாக இத்தகைய படைப்புகளைப் பாதுகாக்கும் சிறப்பு இடம் உள்ளது. உள்ளூர் செவிவழி கதைகளின் படி, பண்டைக்காலத்தில் மொத்தம் 80 ஆயிரத்துக்கு மேற்பட்ட ஓலைச்சுவடிப் படைப்புகள் சேகரிக்கப்பட்டுள்ளன. தற்போது, சிஷுவாங்பான்னா பிரதேசத்தில் சுமார் 3000 ஓலைச்சுவடிப் படைப்புகள் தொகுக்கப்பட்டுள்ளன. தவிர, நாட்டுப்புறப் பிரதேசத்தில் மிக அதிக படைப்புகள் உள்ளன.

சிஷுவாங்பான்னா பிரதேசத்தில் காங்லாஞ்சோ என்பவர் ஓலைச்சுவடிகளைத் தயாரிக்கும் கலைஞராவார். அவருடைய வீட்டின் வாசலில் ஒரு மர வில்வளைவு தொங்கவிடப்பட்டுள்ளது. ஓலைச்சுவடிப் படைப்புத் தயாரிப்புக் கலைப் பள்ளி என்று இதில் எழுதப்பட்டுள்ளது. காங்லாஞ்சோவுக்குக் கிட்டத்தட்ட 80 வயது. அவர் கூறியதாவது

கான்லான்பா எனும் பிரதேசத்தில் 1934ஆம் ஆண்டு பிறந்தேன். 12 வயதின் போது, தைய் இனத்தின் பாரம்பரியத்தைப் பின்பற்றி நான் கோயிலுக்குச் சென்று துறவியாக மாறினேன். முதல் ஆண்டில் தைய் இன எழுத்துக்களில் எழுத்து கல்வி பெற்றேன். பிறகு ஓலைச்சுவடிப் படைப்புகளைத் தயாரிப்பது பற்றி கற்றுக்கொண்டேன் என்றார் அவர்.

1 2 3 4 5 6