செய்திகள்

  • சீனா உயர்வேக வளர்ச்சியடைந்த காரணங்கள்

    நூற்றுக்கணக்கான சீன மற்றும் வெளிநாட்டு விருந்தினர்கள் டிசம்பர் 1 முதல் 4ஆம் நாள் வரை சீனாவின் குவாங்சோ நகரில் ஒன்றுகூடி, 2021ஆம் ஆண்டு சீனாவைப் புரிந்து கொள்வது என்ற சர்வதேச மாநாட்டில் கலந்து கொண்டனர். சீனாவின் வரலாறு, தற்போதைய நிலைமை, எதிர்காலம் ஆகியவற்றை பற்றி அவர்கள் விவாதம் நடத்தினர்.சீனத் தேசிய புதுமை மற்றும் வளர்ச்சி நெடுநோக்கு கழகத்தின் தலைவர் ட்செங் பீஜியான் கூறுகையில், சீனக் கம்யூனிஸ்ட் கட்சி வரலாற்று அனுபவங்களைச் செவ்வனே தொகுத்து வருகிறது. வெற்றிப் பெற்ற அனுபவங்கள் மற்றும் தோல்வி பெற்ற காரணங்களைத் தொகுத்த போது, சான்றுகளிலிருந்து உண்மையைத் தேடியும், மனதை விடுவித்தும், காலப்போக்கில் முன்னேறி வருகிறது. இது தான் சீனக் கம்யூனிஸ்ட் கட்சி உயிராற்றல் கொண்டமைக்கு காரணமாகும் என்றார்.சீனாவின் பொருளாதார அமைப்பு சீர்திருத்த ஆய்வகத்தின் நிரந்தரத் துணைத் தலைவர் ஸாவ் ஐ கூறுகையில், சீனக் கம்யூனிஸ்ட் கட்சியின் தலைமை, மக்களே முதன்மை என்ற கருத்து, சீர்திருத்தம் மற்றும் திறப்புப் பணியில் ஊன்றி நிற்பது ஆகியவை, சீனா உயர்வேக வளர்ச்சியடைந்த காரணங்களாகும் என்றார் அவர்.

  • கரோனா வைரஸின் ஓமிக்ரோன் என்னும் புதிய திரிபு அமெரிக்காவில் பரவக் கூடும்

    அமெரிக்க நோய் கட்டுப்பாடு மற்றும் தடுப்பு மையத்தின் இயக்குநர் டிசம்பர் 3ஆம் நாள் கூறுகையில், கரோனா வைரஸின் டெல்டா என்னும் புதிய திரிபு, தற்போதைய அமெரிக்காவின் மிகப் பெரிய அச்சுறுத்தலாக உள்ளது. ஆனால், ஓமிக்ரோன் என்னும் திரிபு விரைவில் அமெரிக்காவில் பெருமளவில் பரவக்கூடும் என்றார்.மேலும், அமெரிக்க மக்கள் வெகு விரைவில் கரோனா வைரஸ் தடுப்பூசியைச் செலுத்திக் கொண்டு, தொடர்புடைய தடுப்பு விதிகளைப் பின்பற்ற வேண்டும் என்றும் அவர் வேண்டுகோள் விடுத்தார். தற்போது, அமெரிக்காவைச் சேர்ந்த 7 மாநிலங்களில் ஓமிக்ரோன் என்னும் திரிபு கண்டறியப்பட்டுள்ளது என்று தெரிவிக்கப்பட்டுள்ளது.

  • அடுத்த வாரம் வியன்னாவில் மீண்டும் நடைபெறும் பேச்சுவார்த்தை

    ஈரான் அணு ஆற்றல் பிரச்சினைக்கான பன்முக உடன்படிக்கை தொடர்பான தரப்புகளின் பிரதிநிதிகள் 3ஆம் நாள் ஆஸ்திரியாவின் தலைநகர் வியன்னாவில் கூட்டத்தை ஒத்திவைக்க உடன்பட்டுள்ளனர். தொடர்புடைய பேச்சுவார்த்தை அடுத்த வாரத்தில் மீண்டும் நடைபெற உள்ளது.இப்பேச்சுவார்த்தைக்கான சீனப் பிரதிநிதியும் வியன்னாவிலுள்ள ஐ.நாவுக்கான சீன நிரந்திரப் பிரதிநிதியுமான வாங் ஜுன் ஊடங்களிடம் கூறுகையில், அமெரிக்கா மற்றும் ஈரான் இடையே உடன்படிக்கையை மீண்டும் நிறைவேற்றுவதற்கான 7ஆவது சுற்று பேச்சுவார்த்தை தொடங்கியது முதல், பல்வேறு தரப்புகளும் உணர்வுபூர்வமாக செயல்பட்டு வருகின்றன. இப்பேச்சுவார்த்தையில் திருப்புமுனை இன்னும் ஏற்படவில்லை என்ற போதிலும், கிடைத்துள்ள முன்னேற்றத்தைக் குறைந்து பார்க்க கூடாது என்றார்.

  • சீனா மீதான மேலை நாடுகளின் தடை நடவடிக்கைகளுக்கு ஆதாரம் இல்லை:புதின்

    ரஷிய அரசுத் தலைவர் விளாடிமிர் புதின் நவம்பர் 30ஆம் நாள் கூறுகையில், சீனாவின் மீது மேலை நாடுகள் மேற்கொண்ட பல்வேறு தடை நடவடிக்கைகளுக்கு ஆதாரம் இல்லை என்றார். இவை சர்வதேச சட்டத்துக்கு மீறிய செயலாகும். சீனாவுடனான உறவில் வேறு நாடுகளின் நலன் ரஷியாவின் முடிவுக்கு தாக்கத்தை ஏற்படுத்தாது. மேலும், 2022ஆம் ஆண்டு பெய்ஜிங் குளிர்கால ஒலிம்பிக் விளையாட்டுப் போட்டியின் துவக்க விழாவில் அவர் பங்கெடுக்கவுள்ளார் என்றார்.“Russia calling” என்னும் 2021ஆம் ஆண்டு சர்வதேச முதலீட்டுக் கருத்தரங்கில் அவர் இவ்வாறு கூறினார். மேலும், சீனாவின் மீது மேலை நாடுகள் மேற்கொண்ட செயல்கள் பற்றி மக்களால் புரிந்து கொள்ள முடியவில்லை என்றும் அவர் தெரிவித்தார்.

  • வைரஸ் பரவல் தடுப்புக்கான சீனாவின் கொள்கைக்கு வெளிநாட்டு ஊடகங்கள் பாராட்டு

    கரோனா வைரஸின் ஓமிக்ரோன் என்னும் புதிய திரிபு உலகளவில் பரவி வருகிறது. பல்வேறு நாடுகள் அவசரத் தடுப்பு நடவடிக்கைகளை வலுப்படுத்தியுள்ளன. புதிய கட்டத் தடுப்புப் பணியின் போது, அமெரிக்காவின் ப்ளூம்பெர்க் செய்தி நிறுவனம், சிங்கப்பூரின் தி ஸ்ட்ரெய்ட்ஸ் டைம்ஸ் நாளேடு உள்ளிட்ட ஊடகங்கள் வெளியிட்ட தகவல்களில், வைரஸ் பரவல் தடுப்புக்கான சீனாவின் கொள்கையை பாராட்டியுள்ளன.

  • பைடனின் மீது ரஷிய வெளியுறவு அமைச்சரின் குற்றஞ்சாட்டு

    நவம்பர் 30ஆம் நாள், ஜனநாயக உச்சிமாநாட்டை ஏற்பாடு செய்வதற்கான அமெரிக்காவின் முன்முயற்சியானது, ஜனநாயகம் குறித்த தனது பார்வையை மற்றவர்களின் மீது திணிக்கும் உரிமை வாஷிங்டனுக்கு உண்டு என்பதையும், அனைத்து நாடுகளின் இறையாண்மை சமத்துவத்தை அது ஏற்க விரும்பவில்லை என்பதையும் குறிக்கிறது என்று ரஷ்ய வெளியுறவு அமைச்சர் செர்ஜி லாவ்ரோவ் கூறினார்.அவர் மேலும் கூறுகையில், அமெரிக்காவின் கொள்கை, ஜனநாயகம் பற்றிய வாஷிங்டனின் பார்வையை ஊக்குவிப்பதை நோக்கமாகக் கொண்டுள்ளது என்று அழுத்தம்பட தெரிவித்தார்.

  • காலநிலை மாற்றத்தில் சீனாவின் பங்களிப்பு

    2021ஆம் ஆண்டு சீனாவைப் புரிந்து கொள்வது என்ற சர்வதேச மாநாடு டிசம்பர் 1 முதல் 4ஆம் நாள் வரை குவாங்சோ நகரில் நடைபெற்றது. அப்போது, சிங்ஹுவா பல்கலைக்கழகத்தின் எரியாற்றல் சுற்றுசூழல் மற்றும் பொருளாதார ஆய்வு கழகத்தின் தலைவர் சாங் சிலியாங் சீன ஊடகக் குழுமத்தின் செய்தியாளருக்குச் சிறப்பு பேட்டியளித்தார்.2070ஆம் ஆண்டுக்கு முன்னும் பின்னும் கார்பன் நடுநிலை இலக்கை நிறைவேற்றுவதாக இந்திய தலைமை அமைச்சர் அண்மையில் தெரிவித்தது குறித்து அவர் கூறுகையில், என் பார்வையில் இது ஆக்கப்பூர்வமான இலக்காகும். இந்திய வளர்ச்சிக்கான தேவையையும், தொழில் நுட்ப முன்னேற்றப் போக்கு, தொழில் நுட்பம் மற்றும் நிதி பெறப்படும் வாய்ப்பு ஆகியவற்றையும் இந்திய தலைவரான மோடி கருத்தில் கொண்டுள்ளார் என்று தெரிவித்தார்.காலநிலை மாற்றச் சமாளிப்பில் இந்தியா உள்பட தெற்காசிய நாடுகளுடன் சீனா ஒத்துழைக்க கூடிய துறைகள் பற்றி அவர் கூறுகையில், சீன-இந்திய ஒத்துழைப்புக்கு பெரும் உள்ளார்ந்த ஆற்றல் உண்டு. இந்தியாவுக்கு சீனா தொடர்ந்து தொழில் நுட்ப ஆதரவு அளிக்க முடியும். எதிர்காலத்தில், புதிய எரிபொருள், புதுப்பிக்கவல்ல எரியாற்றல் ஆகிய துறைகளில் சீனா இந்தியாவுக்குத் தொடர்ந்து ஆதரவு மற்றும் உதவி அளிக்கும் என்று கூறினார்.மேலும், உலகிலேயே பழம்பெறும் நாகரிகச் சிறப்பு வாய்ந்த நாடுகளான சீனாவும் இந்தியாவும் காலநிலை மாற்றக் கட்டுப்பாட்டுத் துறையில் ஆக்கப்பூர்வமாக ஒத்துழைக்க வேண்டும். இருநாடுகளின் ஒத்துழைப்பு, இருநாடுகள் மற்றும் இருநாட்டு மக்களுக்கு நன்மை தருவது மட்டுமல்ல, பிரதேச மற்றும் உலக காலநிலை மாற்றக் கட்டுப்பாட்டையும் மேம்படுத்தும் என்றும் அவர் குறிப்பிட்டார்.

  • சீனாவின் ஜனநாயகம் எனும் வெள்ளையறிக்கை வெளியீடு

    சீனாவின் ஜனநாயகம் எனும் வெள்ளை அறிக்கையை சீன அரசவையின் தகவல் தொடர்பு பணியகம் டிசம்பர் 4ஆம் நாள் வெளியிட்டது.ஜனநாயகமானது, மனிதகுலத்தின் பொது மதிப்பும், சீனக் கம்யூனிஸ்ட் கட்சி மற்றும் சீன மக்களால் உறுதியுடன் பின்பற்றப்படும் முக்கிய கருத்தும் ஆகும். கடந்த 100 ஆண்டுகளில் சீனா மக்கள் சீனக் கம்யூனிஸ்ட் கட்சியின் தலைமையில் நாடு, சமூகம் மற்றும் சொந்த தலைவிதியின் உண்மையான உரிமையாளராக மாறியுள்ளனர் என்று இவ்வறிக்கையில் கூறப்பட்டுள்ளது.சீனாவின் ஜனநாயகம், மக்களுக்குரிய ஜனநாயகமாகும். மக்களே உரிமையாளராக இருப்பது என்பது, சீன ஜனநாயகத்தின் சாராம்சம் மற்றும் மையமாகும். முழு நடைமுறை மக்கள் ஜனநாயகமானது, மிகப் பெருமளவிலான, மிக உண்மையான மற்றும் பயன்மிக்க சோஷலிச ஜனநாயகமாகும் என்று இவ்வறிக்கையில் அறிமுகம் செய்யபட்டுள்ளது.ஜனநாயக பாதையும் வடிவமும் வெவ்வேறானவை. ஜனநாயகம், அலங்காரப் பொருள் அல்ல. அதன் மூலம் மக்களின் பிரச்சினைக்குத் தீர்வு காண வேண்டும். குறிப்பிட்ட சில நாடுகளின் சிறப்பு காப்புரிமைக்குப் பதிலாக, பல்வேறு நாட்டு மக்களின் உரிமை நலன் தான் ஜனநாயகமாகும். ஒரு நாட்டின் ஜனநாயகம் பற்றி அந்நாட்டைச் சேர்ந்தவர்கள் மட்டும் மதிப்பீடு செய்ய வேண்டும், நாட்டிற்கு வெளியே உள்ள சிலரால் அல்ல என்றும் இவ்வறிக்கையில் குறிப்பிடப்பட்டுள்ளது.

  • சீன தலைமை அமைச்சர்-சர்வதேச நிதி அமைப்பின் பொது செயலாளர் சந்திப்பு

    3ஆம் நாள் மாலை சீன தலைமை அமைச்சர் லி கெச்சியாங் பெய்ஜிங்கில் சர்வதேச நாணய நிதியத்தின் தலைமை இயக்குநர் கெயோர்ஜியேவா அம்மையாரைச் சந்தித்தார்.சர்வதேச நாணய நிதியத்துடனான உறவுக்கு சீனா முக்கியத்துவம் அளித்து வருகின்றது. இருதரப்பு ஒத்துழைப்பை தொடர்ந்து ஆழமாக்க சீனா விரும்புகின்றது என்று லி கெச்சியாங் தெரிவித்தார்.சீன பொருளாதார நிலைமையை லி கெச்சியாங் அறிமுகப்படுத்தினார். அவர் கூறுகையில்,புதிய ரக கரோனா வைரஸ் பரவலைக் கட்டுப்படுத்துவதையும் பொருளாதார வளர்ச்சியையும் சீனா தொடர்ந்து ஒருங்கிணைத்து, நிதானமான ஒட்டுமொத்த கொள்கையை நடைமுறைப்படுத்தி, நிதானமான நாணய கொள்கையை மேற்கொள்ளும் என்றார்.பொருளாதார மீட்சியை முன்னேற்றுவதற்கு சீனா மேற்கொண்ட நடவடிக்கைகளை கெயோர்ஜியேவா அம்மையார் உயர்வாக பாராட்டினார். சீனாவுடனான பரிமாற்றத்தையும் ஒத்துழைப்பையும் வலுப்படுத்தி, உலக பொருளாதார மீட்சியை முன்னேற்ற சர்வதேச நாணய நிதியம் விரும்புகின்றது என்று அவர் தெரிவித்தார்.

  • சீனாவைப் புரிந்து கொள்வது என்ற சர்வதேச மாநாடு நிறைவு

    2021ஆம் ஆண்டு சீனாவைப் புரிந்து கொள்வது என்ற சர்வதேச மாநாடு டிசம்பர் 4ஆம் நாள் சீனாவின் தெற்கிலுள்ள குவாங்சோ நகரில் நிறைவுற்றது. 6ஆவது முறை நடைபெற்ற இம்மாநாட்டில், 20க்கும் மேற்பட்ட நாடுகள் மற்றும் பிரதேசங்களைச் சேர்ந்த 70க்கும் அதிகமான புகழ்பெற்ற அரசியல்வாதிகள், வியூகவாதிகள், அறிஞர்கள், தொழில் முனைவோர்கள் ஆகியோர் கலந்து கொண்டனர். இம்மாநாட்டின் வரையறையும் அளவும் முன்கண்டிராத உயர்நிலையை எட்டியுள்ளது குறிப்பிடத்தக்கது.

  • குளிர்கால ஒலிம்பிக் விளையாட்டை வரவேற்கும் பசுமை நகரம்

    2022 பெய்ஜிங் குளிர்கால ஒலிம்பிக் மற்றும் பாராலிம்பிக் விளையாட்டுப் போட்டிக்கான ஆயத்தப் பணிகள் இறுதி கட்டத்தை அடைந்துள்ளன. பசுமை, பகிர்வு, திறப்பு மற்றும் தூய்மை கொண்ட குளிர்கால ஒலிம்பிக் எதிர்பார்க்கப்படுகிறது. பெய்ஜிங் மாநகராட்சியின் செய்தி பணியகம் நவம்பர் 30ஆம் நாள் சூழலியல் மற்றும் சுற்றுச்சூழல் என்ற தலைப்பில் சிறப்பு செய்தியாளர் கூட்டத்தை நடத்தியது.குளிர்கால ஒலிம்பிக் விளையாட்டு அரங்குகள் அனைத்தும் உயர் வரையறையுடன் கூடிய பசுமை தொழில் நுட்பங்களோடு கட்டப்பட்டன. பெய்ஜிங்கின் சூழலியல் மற்றும் சுற்றுச்சூழல் நிலைமை குறிப்பீடு கடந்த 5 ஆண்டுகளில் சுமார் 10 விழுக்காடு அதிகரித்துள்ளது. 23 நீர்வழிகள் புதியாக உருவாக்கப்பட்டுள்ளன. குளிர்காலக் காட்சிக்கான தாவரங்களைக் கூடுதலாக நடும் பணி அடுத்த ஆண்டின் ஜனவரியில் நிறைவடையும். பசுவை வளர்ச்சியைத் தூண்டும் வகையில் அதிநவீன தொழில் முறைமை உருவாக்கப்பட்டு வருகிறது என்று இக்கூட்டத்தில் தகவல் வெளியாகியுள்ளது.

  • சீனாவின் குன்மிங் – லாவோஸின் வியண்டியன் இடையே ரயில் சேவை... 10 மணிநேர பயணம்!

    சீன – லாவோஸ் தொடர்வண்டி சேவை இன்று 3ஆம் நாள்  தொடங்கப்பட்டுள்ளது.

  • உலகில் மிக அதிகமான தடுப்பூசிகளை வழங்கும் நாடு சீனா!

    உலகின் 40விழுக்காட்டு மக்களுக்குக் கரோனா தடுப்பூசி செலுத்தும் இலக்கை 2021ஆம் ஆண்டின் இறுதிக்குள் நனவாக்க முடியாது என்று ஐ.நா தலைமை செயலாளரின் செய்தித் தொடர்பாளர் அண்மையில் தெரிவித்தார்.

  • பெய்ஜிங் குளிர்கால ஒலிம்பிக்:ஜப்பானிய ஒலிம்பிக் கமிட்டித் தலைவரின் வாழ்த்து

    இப்போட்டியில் பங்கெடுக்க பெருமளவிலான பிரதிநிதிக் குழுவை ஜப்பான் அனுப்புவதாகவும் யசுஹிரோ யமஷிடா தெரிவித்தார்.

  • பெய்ஜிங் குளிர்கால ஒலிம்பிக் விளையாட்டுக்கு பெய்ஜிங்கின் சுற்றுச்சூழல் உத்தரவாதம்

    சீராகி வரும் பெய்ஜிங் சுற்றுச்சூழல், நடைபெறவுள்ள பெய்ஜிங் குளிர்கால ஒலிம்பிக் விளையாட்டுப் போட்டிக்கு பயனுள்ள உத்தரவாதம் அளிக்கும்.

  • சீன-லாவோஸ் இருப்புப்பாதைப் போக்குவரத்துத் திறப்பு

    டிசம்பர் 3ஆம் நாள் மாலையில் இரு நாட்டுத் தலைவர்கள் சீன-லாவோஸ் தொடர்வண்டிச் சேவையைத் தொடங்கி வைத்தனர்.

  • ரஷிய-அமெரிக்க வெளியுறவு அமைச்சர்கள் சந்திப்பு

    ரஷிய வெளியுறவு அமைச்சர் லாவ்ரோவ், அமெரிக்க வெளியுறவு அமைச்சர் ப்ளின்கன் ஆகியோர் 2ஆம் நாள் ஐரோப்பிய பாதுகாப்பு மற்றும் ஒத்துழைப்பு அமைப்பின் வெளியுறவு அமைச்சர்கள் செயற்குழு கூட்டத்தின் போது சந்திப்பு நடத்தினர்.

  • ஒலிம்பிக் விளையாட்டுப் போட்டியின் போது சண்டை நிறுத்தம் பற்றிய தீர்மானம்

    ஒலிம்பிக் விளையாட்டு போட்டியின் போது சண்டை நிறுத்தம் பற்றி சீனாவும் சர்வதேச ஒலிம்பிக் கமிட்டியும் வரைந்த தீர்மானம் 76ஆவது ஐ.நா பேரவையில் ஒருமனதாக ஏற்றுக்கொள்ளப்பட்டது.

  • ஒரு மண்டலம் மற்றும் ஒரு பாதை தொடர்பான வர்த்தக மற்றும் முதலீட்டு மன்றக் கூட்டம்

    எண்ணியல் பொருளாதாரம், சுகாதாரம் முதலிய துறைகளில் ஒரு மண்டலம் மற்றும் ஒரு பாதை மேலதிக பங்காற்ற வேண்டும்.

  • இந்தியாவில் 2 பேருக்கு ஒமிக்ரான் தொற்று பாதிப்பு உறுதி

    இந்தியாவின் தென் மாநிலமான கர்நாடகாவில் 2 பேருக்கு கோவிட்-19 இன் ஓமிக்ரான் தொற்று பாதிப்பு இருப்பது கண்டுபிடிக்கப்பட்டதையடுத்து அவர்களுடன் தொடர்புடை 5 பேரின் மாதிரிகள் சேகரிக்கப்பட்டுள்ளதாக சுகாதார அமைச்சக அதிகாரிகள் தெரிவித்தனர்.