2003ம் ஆண்டின் ஜூன் திங்கள், சீன நடுவண் அரசும் ஹாங்காங்கும் இந்த ஆவணத்தில் கையொப்பமிட்டன. சரக்கு மற்றும் சேவை வர்த்தகம், வர்த்தக முதலீட்டு வசதி மயமாக்கம் ஆகியவற்றில், ஹாங்காங்குக்கு சலுகைகளை சீன நடுவண் அரசு வழங்கியது. 2004ம் ஆண்டின் ஜனவரி திங்கள் முதல் நாள், இந்த உடன்படிக்கை அதிகாரப்பூர்வமாக நடைமுறைப்படுத்தப்பட்டது. அதற்குப் பின், தொடர்புடைய இதர 6 உடன்படிக்கைகள் இதில் சேர்க்கப்பட்டன. இந்த உடன்படிக்கைகள் தொடர்ந்து விரிவாகும் போக்கில், ஹாங்காங்கின் மேலதிகமான துறைகள் பல்வேறு நலன்களைப் பெறுகின்றன. தற்போது, ஹாங்காங்கின் பொருட்கள், சீனப் பெருநிலப்பகுதியில் நுழைய, சுங்க வரி தேவையில்லை. ஹாங்காங்கின் கணக்கர் மற்றும் சட்டத் துறை பணியாளர்கள், பெருநிலப்பகுதியில் அலுவல்களை மேற்கொள்ளலாம்.

இவ்வுடன்படிக்கையின் படி, ஹாங்காங்கின் சேவைத் துறை, பெருநிலப்பகுதிச் சந்தையில் நுழைய ஏற்றுக்கொள்ளப்பட்டது. ஹாங்காங் பொருளாதார அதிகரிப்பு, புதிய வளர்ச்சிக் கட்டத்தில் நுழையும் என்று ஹாங்காங்கின் பெருநிலப்பகுதி விவகார ஆணையத்தின் தலைவர் linruilin தெரிவித்தார். இது குறித்து, அவர் கூறியதாவது：

முன்பு, ஹாங்காங் சேவைத் துறை சுமார் 7 இலட்சம் மக்களுக்குச் சேவை வழங்கியது. தற்போது, ஏறக்குறைய 5 கோடி மக்களுக்கு இத்துறை சேவையளித்து வருகிறது. இனி, 40 கோடிக்கு மேலான மக்களை இதில் சேர்க்க வேண்டும் என்பது எமது விருப்பம். இதன் மூலம், பெருநிலப்பகுதிச் சந்தையை விரிவாக்கி, ஹாங்காங் பொருளாதாரத்தை வலுப்படுத்தலாம் என்று அவர் கூறினார்.