இவ்வாண்டின் முதல் பாதியில் சீனப் பொருளாதாரம் தொடர்பான தரவுகளை சீனத் தேசிய புள்ளிவிபர பணியகம் 17ஆம் நாள் வெளியிட்டது. அதன்படி, இக்காலத்தில் சீன மக்களின் நபர்வாரி வருமானம் 12 ஆயிரத்து 932 யுவானாகும். இது கடந்த ஆண்டின் இதே காலத்தில் இருந்ததை விட 7.3 விழுக்காடு அதிகமாகும். மேலும், இக்காலத்தில் சீனாவின் மொத்த உள்நாட்டு உற்பத்தி மதிப்பின் அதிகரிப்பை விட இது 0.4 விழுக்காடு அதிகம் என்பது குறிப்பிடத்தக்கது.
நகர மற்றும் கிராமப்புற மக்களின் வருமானம் விரைவாக அதிகரித்து வருகிறது. அதேவேளையில், நகர-கிராமப்புற மக்களின் வருமான இடைவெளி தொடர்ந்து குறைந்து வருகிறது என்று சீனத் தேசிய புள்ளிவிபர பணியகத்தின் செய்தித் தொடர்பாளர் சிங் ஹுங்ச்சி தெரிவித்துள்ளார். （வாணி）