|
|
 |
| (GMT+08:00)
2004-04-26 10:34:05
|
 |
|
புற்று நோயைக் கண்டறிய புதிய சோதனை முறை
cri
|
கழுத்தில் ஏற்படும் புற்றுநோயைக் கண்டறிவதற்கான புதிய சோதனை முறை, சீனாவில் உருவாக்கப்பட்டுள்ளது. DIGENE KEZ HPV DNA TEST என்பது அதற்குப் பெயர்.
கழுத்துப் புற்றுநோய்க்கு HPV வைரசுதான காரணம் என்பதை இதுவரையிலான ஆய்வுகள் உறுதிப்படுத்தியுள்ளன.
“ஐந்து ஆண்டுகளுக்கு முன்பு, கழுத்துப் புற்றுநோய்க்கான காரணம் சரிவர தெரியாமல் இருந்தது. ஆனால், அப்போது HPV வைரசுதான் காரணம் என்பதைச் சோதனைக் கூட ஆய்வுகள் தெரிவிக்கின்றன” என்கிறார் மருத்துவர் சியாவ் யுலின்.
“இந்தப் புதிய சோதனை முறையானது, கழுத்துப் புற்று நோய்க்கு எதிரான எங்களின் போராட்டத்திற்கு வெற்றியை ஈட்டித்தரும்” என்கிறார் அவர்.
சீனாவில், ஆண்டுதோறும் ஒரு இலட்சம் பேர் கழுத்துப் புற்று நோய்க்கு ஆளாகின்றனர். 2001 ஆம் ஆண்டில் மட்டும், சீனாவில், இந்தப் புற்று நோய்க்கு இருபதாயிரம் பேர் பலியாயினர் என்கிறார் சியாவ்
பொதுவாக, சீனக் கிராமப்புறப் பெண்கள், இந்தக் கழுத்துப் புற்று நோய்க்கு ஆளாகின்றனர். முன்கூட்டியே இதைக் கண்டறியாததால் இந்தக் குறைபாடு நிலவுகிறது.
இப்போதைய புதிய சோதனை முறையினால், மகளிர் பெரிதும் பலனடைய முடியும் என்று கருதப்படுகின்றது.
பொதுவாக, மனிதர் தமது வாழ்நாளில், HPV வைரசு பீடிக்கப்படுவதுண்டு. ஆனால், பிரச்சினையை உருவாக்காமல், அது, மாயமாய் மறைந்து போகிறது. அப்படி இல்லாமல், ஓராண்டுக் காலம் அல்லது அதற்கு மேற்பட்டு அது நமது உடலில் குடிகொண்டிருந்தால், கழுத்துப் புற்று நோய் ஏற்பட வாய்ப்புண்டாகிறது.
முப்பது வயதுக்கு மேற்பட்ட மகளிரிடையே இதற்கு வாய்ப்பு அதிகம் என்பதால், அவர்கள் உடல்நலப் பரிசோதனையை முறையாகச் செய்து கொள்வது என்று கூறப்படுகின்றது.
இந்தப் புதிய சோதனை முறை மூலம் சாதகமான விளைவு கண்டறியப்பட்டால், மேலும் 6 முதல் 12 திங்களில் சோதனையை மீண்டும் மேற்கொண்டு, கழுத்துப் புற்றுநோய் உண்டா என்பதை உறுதிப்படுத்தலாம். ஒருவேளை, முடிவு மகிழ்ச்சி தருவதாக-அதாவது கழுத்துப் புற்று நோய்க்கு வாய்ப்பில்லை-என்றால், மன அழுத்தத்திலிருந்து மகளிர் விடுபடலாம் தானே.
பாதுகாப்பான சூரிய ஒளி
தோல் புற்று நோய் தவிர்ந்த ஏனைய புற்றுநோய் வராமல், சூரிய ஒளி நமது உடலைப் பாதுகாக்கலாம் என அறிவியலாளர் கூறுகின்றனர்.
சூரிய ஒளி உடம்பில் பட்டால், வைட்டமின் D ஐ தோல் உற்பத்தி செய்கிறது. இந்த வைட்டமின் D , புற்று செல் வளர்ச்சியடையாமல் தடை செய்கிறது.
24 ஆண்டுகளுக்கு முன்பு, இவ்வாறு அறிவிக்கப்பட்டது.
இப்போது, இதை உறுதிப்படுத்தும் சோதனை மேற்கொள்ளப்பட்டுள்ளது. உடலில் காணும் வைட்டமின் D யில் 90 விழுக்காடு சூரிய ஒளியினால் ஏற்படுகிறது.
சூரிய ஒளி அதிக அளவில் கிடைக்கும் பகுதிகளில் வசிப்போர், மார்பகப் புற்றுநோய் உள்ளிட்ட சிலவகை புற்றுநோயால் மரணம் அடையும் விகிதம் 10 முதல் 27 விழுக்காடு வரை குறைந்து காணப்படுகிறதாம்.
ஆனால், குறைந்த சூரிய ஒளியும் வைட்டமின் D பற்றாக்குறையும் புற்றுக் கழலை ஏற்படக் காரணமா என்று தெரியவில்லை.
வைட்டமின் D யும், புற ஊதாக் கதிர்கள் உடலில் உருவாகும் CALCITRIOL எனும் ஹார்மோனும் உடலுக்கு நன்மை பயக்கின்றன என்பது உணரத்தக்கது.
ஆழ்கடலில் நிழற்படக் கருவி
ஆழ்கடலில் உயிர்வாழும் உயிரினங்களைப் படம் பிடிப்பதற்காக, புதிய நிழற்படக் கருவி வடிவமைக்கப்பட்டுள்ளது.
டாக்டர் விட்டெர் அம்மையார் உருவாக்கியிருக்கும் இந்த நிழற்படக் கருவிக்கு “EYE IN THE SEA கடற்கண்”என்பது பெயராகும்.
ஆயிரம் மீட்டர் ஆழத்தில் இது பொருத்தப்படலாம்.
உயிரினத்திற்குத் தெரியாமல், இது படம் பிடித்துவிடும்.
“இதுவரை, மனிதரால் கண்டறியப்படாத நீர்வாழ் உயிரினங்களைப் படம் பிடிக்க வேண்டும் என்பதே தமது நோக்கம்” என்கிறார் டாக்டர் வெட்டர் அம்மையார்.
|
|
|
