"இந்த ஆண்டுகளில், தேயிலைக்கான தேவை இடைவிடாமல் அதிகரித்து வருகிறது. எங்கள் கடையின் விற்பனையிலிருந்து பார்தால், மக்கள் மேன்மேலும் அதிகத் தேயிலை பயன்படுத்துகின்றனர். எங்கள் விற்பனை அளவு ஆண்டுக்கு 10 விழுக்காடு என்ற விகிதத்தில் அதிகரிக்கிறது. தற்போது தேயிலையின் விற்பனை போக்கு சிறப்பாக இருக்கிறது" என்றார் அவர்.

தேனீர் அருந்த விரும்பும் சீன மக்கள், சீனாவின் தேயிலைத் தொழிலின் வளர்ச்சியை இடைவிடாமல் மேம்படுத்தி வருகின்றனர். புள்ளி விபரங்களின் படி, 2003ஆம் ஆண்டு வரை, 12 லட்சம் ஹெக்டர் நிலப்பரப்பில் தேயிலை தோட்டங்கள் சீனாவில் உள்ளன. இந்த வகையில் உலகில் சீனா முதலிடம் வகிக்கிறது. தேயிலை உற்பத்தி அளவு ஆண்டுக்கு 7 லட்சம் டன்னாகும். தேயிலையின் மொத்த உற்பத்தி மதிப்பு 3400 கோடி யுவானை எட்டியுள்ளது.

தேனீரை சீன மக்கள் விரும்பி அருந்துகின்றனர். இது மட்டுமல்ல, பல்வகைப்பட்ட உணவு பொருட்கள், பானம் மற்றும் ஒப்பனை பொருட்களைக் கூட தயாரிப்பதற்கு தேயிலை பயன்படுகிறது. எடுத்துக்காட்டாக, தேயிலை கொண்டு முலாம் பழ விதைகளைப் பொறித்தல், காய்கறிகளை சமைத்தல், முகத்தை அழகுப்படுத்தல் போன்ற திட்டங்களை சில சிறப்பு கூட்டு நிறுவனங்கள் வகுத்த வருகின்றன. தேயிலையையும் இயற்கை உலர் மலருடனும் கலந்து, சுடு நீரில் ஊற வைத்த பின் தேயிலையும் மலரும் கரைந்து மக்களுக்கு அழகான தோற்றத்தைத் தருகிறது.