1948ல் நிகழ்ந்த அரபு-இஸ்ரேல் போரில் ஜோர்டான் ஆற்றின் மேற்கு கரையை இஸ்ரேல் ஆக்கிரமித்துக் கொண்டது. 1967ம் ஆண்டு ஜுன் திங்களில் நிகழ்ந்த 3வது மத்தியக் கிழக்கு போரில் பெருமளவு அரபு நிலப் பகுதிகளை இஸ்ரேல் கைபற்றியது. ஜோர்டான் ஆற்றின் மேற்கு கரை ஜெரீசலேமின் அரபு மண்டலம், எகிப்தின் வசமுள்ள காசா பிரதேசம் ஆகியவை இஸ்ரேலின் கட்டுப்பாட்டில் சேர்ந்தன. 1973ம் ஆண்டு அக்டோபர் திங்கள் நிகழ்ந்த 4வது மத்தியக் கிழக்கு போருக்கு பிறகு, தொடர்ந்து ஜோர்டான் ஆற்றின் மேற்கு கரை இஸ்ரேலின் கட்டுப்படாட்டிலேயே உள்ளது. தற்போது இந்த 4800 சதுர கிலோமீட்டர் பரப்புடைய மேற்கு கரை பிரதேசத்தில் 10 லட்சத்துக்கும் அதிகமான பலஸ்தீனர்கள் வாழ்கின்றனர். 1967ம் ஆண்டு முதல் இஸ்ரேல் அரசு யூதர் குடியிருப்புக்களை விரிவாக்குவதன் மூலம் பலஸ்தீனர்களின் நிலம், சொத்து, தண்ணீர் வளம் ஆகியவற்றை கைபற்றி பலஸ்தீனர்களை வீடுவாசலின்றி அகதிகளாகச் செல்லக் கட்டாயப்படுத்தியது. இதன் மூலம் மேற்கு கரையில் யூதர் மயமாக்க திட்டத்தை இஸ்ரேல் விரைவுப்படுத்தியுள்ளது. தவிரவும் மேற்கு கரைப் பிரதேசத்தில் இஸ்ரேல் தனது சட்ட அதிகாரத்தை நடைமுறைப்படுத்தி பலஸ்தீன மக்களை ஒதுக்கிவைத்து தொல்லைப் படுத்தியுள்ளது. காரணமின்றி அவர்களின் பள்ளிகள், மருத்துவ மனைகள், அலுவலகங்கள், தொழில் நிறுவனங்கள் ஆகியவை மூடப்பட்டன.

இந்த மாதிரியான மேற்கு கரையை இணைக்கும் இஸ்ரேலின் கொள்கையை பலஸ்தீன மக்கள் கடுமையாக எதிர்த்து வருகின்றனர். அரபு நாடுகளும் இஸ்ரேலின் ஆக்கிரமிப்பைக் கடுமையாக கண்டித்துள்ளன. ஜோர்டான் ஆற்றின் மேற்கு கரையில் சுதந்திர ஆட்சி உரிமை உடைய நாட்டை நிறுவும் உரிமை பலஸ்தீன மக்களுக்கு உண்டு என்று சர்வதேச சமூகமும் அரபு நாடுகளும் கருத்து தெரிவித்துள்ளன. அமெரிக்காவும் இஸ்ரேலும் இந்த கருத்தை எதிர்க்கின்றன.