இந்த அயரா முயற்சிகளின் விளைவாக ஊசி மூலம் செலுத்தப்படும் recombinationg staphylokinase என்ற மருந்து உருவாக்கப்பட்டுள்ளது. மாரடைப்பு ஏற்பட்ட 6 மணி நேரத்திற்குள் ஊசி மூலம் இந்த மருந்தில் 10 நில்லிகிராண் உடம்பில் செலுத்தினால் ரத்த உறைவு விரைவில் கலைந்து ரத்த ஓட்டம் இயல்பு நிலைக்குத் திரும்புகின்றது. 80 விழுக்காட்டுக்கும் அதிகமான இதய நோயாளிகள் இந்தப் புதிய மருந்தினால் குணமடைவார்கள் என்பது மருந்தக ஆய்வுகள் மூலம் தெரியவந்துள்ளது என்று சீன அறிவியல் கழகத்தின் பேராசிரியர் வாங் சியாசியுன் கூறுகின்றார். இது போன்ற மருந்துகள் அமெரிக்கா, ஜப்பான், பெல்ஜியம் ஆகிய நாடுகளில் இன்னமும் மருந்தக பரிசோதனை ஆய்வு நிலையிலேயே உள்ளன என்றும் அவர் தெரிவித்தார். இதய நாளத்தில் ரத்தம் உறைந்து ரத்த ஓட்டத்தைத் தடுத்து மாரடைப்பு வருவதைத் தடுப்பதற்காக ஒரு தடுப்பு மருந்தாக இந்தப் புதிய மருந்தைப் பயன்படுத்தலாமா என்றும் ஆராயப்படுவதாக வாங் தெரிவித்தார்.

புற்றுநோய்க்கும் எய்ட்ஸ் நோய்க்கும் சிகிச்சை அளிக்கும் புதிய மருந்துகளையும் சீன அறிவியல் அறிஞர்கள் உருவாக்கியிருப்பதாக அறிவியல் தொழில் நுட்ப அமைச்சக அதிகாரி ஒருவர் கூறினார். சீனா கியூபா கூட்டு நிறுவனமான BIOTECH PHARMACEVTILAC என்ற நிறுவனம் உருவாக்கியுள்ள புதிய புற்று நோய் மருந்துக்கு அரசு உணவு மருந்து நிர்வாகத் துறை அணுமதி கொடுத்துள்ளது. இந்தப் புதிய மருந்தினால் புற்றுநோய் குணமடையும் விகிதம் 30 விழுக்காடு உயரக் கூடும் என்று அதிகாரி தெரிவித்தார்.