அவற்றில், குச்சியௌமிசியெ எனும் சிற்றுண்டி குறிப்பிடத்தக்கது. நூடுல்ஸ் போன்ற உணவு வகை அது. இது தொடர்பாக ஒரு கதை வழங்குகிறது.

சுமார் 100 ஆண்டுகளுக்கு முன், யுன்னான் மாநிலத்தின் நாஹு ஏரியில் சிறு தீவு ஒன்று இருந்தது. அறிவாளர் சாங் என்பவர், தேர்வில் வெற்றி பெற, அங்கு முனைப்புடன் படித்துவந்தார். அவருடைய மனைவி, நாள்தோறும் அவருக்கு உணவு கொண்டு வந்துதந்தாள். அவருடைய வீடு தொலைவில் இருந்தது. எனவே, குளிர் காலத்தில், அவருக்குக் கிடைத்த உணவு குளிர்ச்சியாகவும் சத்து குறைவாகவும் இருந்தது. இதன் விளைவாக அவர் உடல் மெலிந்தது. இதைக் கண்ட அவருடைய மனைவி கவலைப்பட்டார்.

கணவருக்குச் சத்துணவை அதிகரிக்க வேண்டும் என்று எண்ணினாள். ஒரு நாள், ஆவியில் வேகவைத்த கோழி இறைச்சியையும் கோழி சூப்பையும் பாத்திரத்தில் எடுத்துக்கொண்டு புறப்பட்டாள். வழியில், ஒரு நீண்ட பாலத்தைக் கடந்து செல்லும் போது, மயக்கம் அடைந்தாள், பின்னர் மயக்கம் நீங்கிய பின், கணவர், குளிர்ச்சியான உணவை உண்ண நேரிடுமே என மிகவும் கவலைப்பட்டாள். ஆனால், கோழி சூப் இருந்த பாத்திரத்தைத் தொட்டுப் பார்த்த போது, அது சூடாக இருந்தது. எனவே, விரைந்து சென்று கணவருக்கு, முதல் முறையாக சூடான உணவைப் பரிமாறினாள். சூப்பில் அடர்த்தியான கோழியின் கொழுப்பு மிதந்ததே இதற்குக் காரணம் என்று அவள் கண்டறிந்தாள். பின்னர், சூப்பில், துண்டு இறைச்சி, துண்டு மீன், காய்கறி வகை முதலியவற்றைப் போட்டால், மேலும் சுவையாக இருக்கும் என்று தீர்மானித்தாள். மனைவிக்கு நன்றி கூறும் வகையில், இவ்வுணவுக்கு குச்சியௌமிசியெ என்று கணவர் பெயர் சூட்டினார் என்று கூறி முடித்தார் யுன்னான் மாநிலத்தைச் சேர்ந்த குவன்மிங் நகரிலுள்ள புகழ் பெற்ற உணவகத்தின் மேலாளர் சௌ சிங் யாங்.

இந்த சூப்பைத் தயாரிக்கும் செய்முறை மிகவும் முக்கியமானது. பொதுவாக, பெட்டைக்கோழி, பெண் வாத்து, பன்றி எலும்பு ஆகியவையும், தண்ணீரும் குறிப்பிட்ட அளவில் இருக்க வேண்டும். அவற்றைத் தண்ணீரில் நிதானமாக வேக வைக்க வேண்டும். பின், உப்பு, மிளகு, சுவையூட்டும் பொருள் ஆகியவற்றைச் சேர்க்க வேண்டும். பாத்திரத்தில் சூப்பை மாற்றும் போது, வெப்பமான கோழியின் கொழுப்பு அதில் ஊற்ற வேண்டும். இதன் விளைவாக, சூப் சூடாகவே இருக்கும்.

சூப் சூடாக இருக்கும் போது அவசரமாக குடிக்கக் கூடாது. முதலில், இறைச்சி வகையை சூபில் போட்டு மெதுவாக கலக்க வேண்டும். அதே வேளையில், பச்சைகாய் மிசியென் என்னும் நூடுல்ஸ் போன்ற சுவையான உணவு பொருட்களை அதில் போட வேண்டும். பின் இதை உண்ணலாம் என்று சௌ சிங் யாங் கூறினார்.

குச்சியௌமிசியெ, எனக்கு மிகவும் பிடித்தமானது. யுன்னான் மாநிலம் செல்லும் போதெல்லாம், தவறாமல் அதை வருந்துவேன். அதன் சுவை, அபாரம் என்று வட சீனாவில் பணி புரியும் சௌ சிங் யாங்கின் நண்பர் வாங் சின் யௌ அம்மையார் கூறினார்.

அதற்குத் தேவைப்படும் சூப் தயாரிப்பது மிகவும் சிக்கலானது. பொதுவாக 2 நாட்கள் தொடர்ச்சியாக வேக வைக்க வேண்டும். இப்படி தயாரித்த சூபிலான மிசியென்,சுவையாக இருக்கும். பல்கலைக்கழக நுழைவுத் தேர்வில் வெற்றி பெற்ற மாணவர்கள் பயில புறப்படுவதற்கு முன் பெற்றோர் அவர்களுக்கென உணவகத்தில் மிசியெ விருந்து ஏற்பாடு செய்கின்றனர்.