பிப்ரவரி 23ஆம் நாள் இத்தாலியின் டுரின் நகரில் நடைபெற்ற குளிர்கால ஒலிம்பிக் விளையாட்டுப் போட்டிகளின் ஆடவருக்கான சுயேச்சைப்பாணி ஸ்கியிங் தாவல் இறுதிப் போட்டியில் சீன வீரர் ஹான் சியோ பொங் தங்கப் பதக்கம் வென்று சாம்பியன் பட்டம் பெற்றார். குளிர்கால ஒலிம்பிக்கின் உறைப்பனி விளையாட்டுகளில் சீன வீரர் ஒருவர் பெற்ற முதலாவது தங்கப் பதக்கம் இது. குளிர்கால ஒலிம்பிக் வரலாற்றிலேயே சீன ஆடவர் பெற்றுள்ள முதலாவது தங்கம் இது என்றும் சொல்லலாம்.
2006ஆம் ஆண்டு டுரின் குளிர்கால ஒலிம்பிக்கின் ஆடவருக்கான சுயேச்சைப் பாணி ஸ்கியிங் தாவுதலின் தகுதிப் போட்டியில் சாவ்ஸ்-துர்க்ஸ் உறைப்பனித் தளத்தில் நடைபெற்றது. ஹான் சியோ பொங் மிகவும் சிறப்பாக விளையாடியதால், 250.45 என்ற புள்ளிகளைப் பெற்று முதலிடம் பெற்றார்.
|