ஒப்பீட்டளவில், தேசிய இனப்பிரதேசங்கள், பின்தங்கிய நிலையில் இருக்கும் நிலைமையில், சீன அரசு வெகு காலத்துக்கு முன்பே, பல நடவடிக்கைகளை மேற்கொண்டுள்ளது. ஐந்தாண்டுகளுக்கு முன், துவங்கியுள்ள மேற்கு பகுதி வளர்ச்சி நெடுநோக்கு திட்டம், பிரதேசங்களுக்கிடையிலான இடைவெளியைக் குறைப்பதற்கு மாபெரும் பங்குபணியை ஆற்றியுள்ளது. சீன தேசிய இன விவகார கமிட்டியின் துணை தலைவர் மோ பெங் ரி பேசுகையில், எதிர்காலத்தில், தேசிய இனப் பிரதேசத்தின் வளர்ச்சியை விரைவுப்படுத்தக் கூடிய திட்டவட்டமான நடவடிக்கைகள் பலவற்றை சீன அரசு மேற்கொள்ள இருப்பதாகக் கூறினார். அவர் கூறியதாவது.

தேசிய இனப்பிரதேசத்தின் விரைவான வளர்ச்சிக்கு உதவியாக, சீன அரசு நிதியை அதிக அளவில் ஒதுக்கியுள்ளது. அன்றி, தொழில் நுட்பம், திறமைசாலி தகவல், கொள்கை ஆகியவற்றிலும் பொருளாதார வளர்ச்சியை விரைவுப்படுத்துவதில் தேசிய இனப் பிரதேசங்களுக்கு உதவி அளித்துள்ளது. மத்திய அரசு, தேசிய இனப் பிரதேசங்களின் அடிப்படை வசதிகளை உருவாக்குவதில் பெரும் கவனம் செலுத்துகின்றது. ரெயில்வே பாதை கட்டுமானம், உயர்வேக நெடுஞ்சாலை, தொலைத்தொடர்பு திட்டப்பணி, நீர்ச்சேகரிப்பு திட்டப்பணி ஆகியவர்றினால், அடிப்படை வசதிகளின் நிலைமையில் மாபெரும் மாற்றம் ஏற்பட்டுள்ளது என்றார் அவர்.

அரசின் பெருமளவு முதலீட்டினால், சிறுப்பான்மை தேசிய இனப்பிரதேசங்களில், பருத்தி, கரும்பு, புகையிலை, எண்ணெய், இயற்கை வாயு, நிலக்கரி உள்ளிட்ட வளங்கள் வெளிக்கொணரப்பட்டுள்ளன. பொருளாதார ஆற்றல் இடைவிடாமல் வலுப்பட்டு வருகின்றது. பல்வேறு தேசிய இன மக்களின் வாழ்க்கை தரம் உயர்ந்துள்ளது. புள்ளிவிவரங்களின் படி, கடந்த ஐந்தாண்டுகளில், தேசிய இனப்பிரதேசங்களின் மொத்த உற்பத்தி மதிப்பு, ஆண்டுக்கு சராசரியாக பத்து விழுக்காடு என்ற வேகத்தில் அதிகரித்துள்ளது. சிறுப்பான்மை தேசிய இனத்தவர்களின் வருமானம், சுமார் ஒரு மடங்கு அதிகரித்துள்ளது. இந்த அதிகரிப்பு அளவு, நாடு முழுவதிலும் மிக விரைவானது என்று அவர் கூறினார்.