விண்வெளியில் முதன்முதலாக நடக்கப்போகும் மூன்று சீன விண்வெளி வீரர்களைத் தெரிந்தெடுக்கும் பணி தொடங்கிவிட்டது. ஷென்சோ-6 விண்வெளிப் பயணத்திற்காக, திரட்டப்பட்ட 14 ஜெட் விமானிகளில் குழுவில் இருந்து தான். ஷென்சோ-7 பயணத்திற்கான 3 விண்வெளி வீரர்கள் தெரிவு செய்யப்படுவார்கள்.

அவர்களுக்கு விண்வெளிப் பயணப் பயிற்சி தருவதற்காக எடையில்லாச் சூழலும், தண்ணீர்க்குளம் ஒன்றும் உருவாக்கப்படுகிறது. இதில் விண்வெளிப்பயண உடை போன்ற உடைகளை அணிந்து அவர்கள் விண்கலத்தை விட்டு வெளியே போய் விண்வெளியில் இயங்குவதற்கான பயிற்சி எடுப்பார்கள்.

இதற்கிடையில், ஒரு துணுக்குச்செய்தி.

இந்த ஆண்டில் ஒன்பது செயற்கைக்கோள்களை விண்வெளியில் செலுத்த சீனா திட்டமிட்டுள்ளது. இவற்றில் ஒன்று விதை செயற்கைக்கோள். விண்வெளியில் விதைப் பெருக்கம் செய்யமுடியுமா என்று ஆராய்வதற்காக, ஏப்ரல் திங்களில் இந்த விதை செயற்கைக்கோள் செலுத்தப்படும் என்றார் சாங் சின்வேய்.

அண்ட வெளி கதிர்வீச்சு மற்றும் நுண்ணிய ஈர்ப்பு போன்ற சிறப்பான சூழ்நிலையில் உயர் வினைச்சல் தரும் உயர்தரமான தாவர வகைகளை வளர்க்க முடியும் என்று ஆராயப்படும். இந்தச் செயற்கைக்கோள் விண்வெளியில் ஆராய்ச்சியை முடித்து விட்டு பூமிக்குத் திரும்பிவிடும் திறன் படைத்தது.

ஆயிரத்து தொன்னூற்று எழுப்பதாம் ஆண்டுகளில் இருந்து இதுவரை எழுப்பதுக்கும் அதிகமான செயற்கைக்கோள்களை விண்வெளியில் சீனா செலுத்தியுள்ளது. இவற்றில் சுமார் இருப்பது செயற்கைக் கோள்கள் இன்னமும் இயங்கிக் கொண்டிருக்கின்றன.