ஜெர்மனி, கோஸ்டா ரிக்கா, போலந்து, ஈகுவடோர் ஆகிய நாடுகள் அடங்கிய குழுவில், ஜெர்மனி கோஸ்டா ரிக்கா இடையிலான பந்தயத்தில் 4- 2 என்ற கோல் கணக்கில் ஜெர்மனி வெற்றி பெற்றது. போலந்து ஈகுவடோர் இடையிலான பந்தயத்தில் 2-0 என்ற வித்தியாசத்தில் ஈகுவடோர் அணி வெற்றி பெற்றது. ஜெர்மனி போலந்து இடையிலான போட்டியில் 1-0 என்ற வித்தியாசத்தில் ஜெர்மனி அணி வெற்றி பெற்றது மற்றொரு போட்டியில் ஈகுவடோர் 3-0 என்ற கோல் கணக்கில் கோஸ்டா ரிக்காவை வென்றது.

இங்கிலாந்து,பராகுவே,ட்ரினிடாட் மற்றும் டொபேகோ, ஸ்வீடன் ஆகிய நாடுகள் அடங்கிய குழுவில், பராகுவே அணியை 1-0 என்ற கோல் வித்தியாசத்தில் இங்கிலாந்து வெற்றி பெற்றது, ட்ரினிடாட் மற்றும் டொபேகோவுக்கும் ஸ்வீடனுக்கும் இடையிலான பந்தயம் எந்த அணியும் கோல் போடாமல் சமன் ஆனது, இங்கிலாந்துக்கும் ட்ரினிடாட் மற்றும் டொபேகோவுக்கும் இடையிலான பந்தயத்தில் 2-0 என்ற வித்தியாசத்தில் இங்கிலாந்து வெற்றி பெற்றது. ஸ்வீடன் பராகுவே அணிகளுக்கிடையிலான மற்றோரு பந்தயத்தில் 1-0 என்ற நிலையில் ஸ்வீடன் வெற்றி பெற்றது.

அர்ஜென்டினா,செர்பியா மான்டநீக்ரோ,நெதர்லாந்து,கோட்டேவ (ஐவரி கோஸ்ட்) அணிகள் அடங்கிய குழுவில், அர்ஜென்டினா கோட்டேவ இடையிலான பந்தயத்தில் 2- 1 என்ற கணக்கில் அர்ஜென்டினா வெற்றி பெற்றது, மற்றொரு போட்டியில் நெதர்லாந்து அணி செர்பியா மான்டநீக்ரோ அணியை 1-0 என்ற கோல் வித்தியாசத்தில் வெற்றி பெற்றது.

மெக்சிகோ,ஈரான்,அங்கோலா,போர்ச்சுகல் ஆகிய நாடுகள் இடம்பெற்ற குழுவில், மெக்சிகோ இர்ரான் இடையிலான பந்தயத்தில் 3- 1 என்ற வித்தியாசத்தில் மெக்சிகோ வெற்றிபெற, அங்கோலா போர்ச்சுகல் இடையிலான பந்தயத்தில் 1-0 என்ற கணக்கில் போர்ச்சுகல் வெற்றி பெற்றது.

இத்தாலி,கானா,அமெரிக்கா,செக் குடியரசு ஆகிய நாடுகள் அடங்கிய மற்றொரு குழுவில் இத்தாலி கானா இடையிலான பந்தயத்தில் 2-0 என்ற கணக்கில் இத்தாலியும், அமெரிக்கா செக் குடியரசு இடையிலான பந்தயத்தில் 3-0 என்ற கணக்கில் செக் குடியரசும் வெற்றி பெற்றன.

ப்ரேசில்,ஆஸ்திரேலியா,க்ரோவேஷியா,ஜப்பான் ஆகிய நாடுகள் இடம்பெற்ற குழுவில் க்ரோவேஷிய அணியை 1-0 என்ற கணக்கில் ப்ரேசிலும், ஆஸ்திரேலியா ஜப்பான் இடையிலான பந்தயத்தில் 3- 1 என்ற கணக்கில் ஆஸ்திரேலியாவும் வெற்றி பெற்றுள்ளன.

ஸ்விட்சர்லாந்து,தென்கொரியா,பிரான்ஸ்,டோகோ ஆகியவை இடம்பெற்ற குழுவில், பிரான்ஸ் ஸ்விட்சர்லாந்து இடையிலான பந்தயம் கோல் ஏதுமின்றி எத்தரப்புக்கும் வெற்றி தோல்வியின்றி முடிய, தென்கொரியா டோகோ இடையிலான பந்தயத்தில் தென் கொரியா 2- 1 என்ற நிலையில் வெற்றி பெற்றது.

ஸ்பெயின்,உக்ரேன்,துனிசியா,சவுதி அரேபியா ஆகிய நாடுகள் அடங்கிய குழுவில், ஸ்பெயின் 4-0 என்ற கணக்கில் உக்ரேனை வெற்றிபெற துனிசியாவுக்கும் சவுதி அரேபியாவுக்கும் இடையிலான பந்தயம் தலா 2 கோல் என்ற நிலையில் எத்தரப்புக்கும் வெற்றி தோல்வியின்றி முடிவுபெற்றது.

வெள்ளியன்று இரவு வரையிலான அணிகள் பெற்ற புள்ளிகளின் விபரம்:

ஈகுவடோர், ஜெர்மனி, இங்கிலாந்து ஆகியவை தலா 6 புள்ளிகள் பெற்றுள்ளன. ஸ்வீடன் 4 புள்ளிகள் பெற்றுள்ளது. அர்ஜென்டினா,நெதர்லாந்து,மெக்சிகோ,போர்ச்சுகல்,செக் குடியரசு,இத்தாலி, ஆஸ்திரேலியா, பிரேசில்,தென்கொரியா, ஸ்பெயின் ஆகியவை தலா 3 புள்ளிகள் பெற்றுள்ளன.

ட்ரினிடாட் மற்றும் டொபேகோ, பிரான்ஸ், ஸ்விட்சர்லாந்து. சவுதி அரேபியா, துனிசியா ஆகியவை தலா ஒரு புள்ளியை பெற்றுள்ளன.

அடுத்த வாரம் விளையாட்டுச் செய்திகளில் போட்டியின் அடுத்த கட்டத்துக்கு தேர்வு பெற்ற அணிகள் பற்றிய விபரங்கள் இடம்பெறும்.