மகளிர் இரட்டையர் பிரிவு:

சீனாவின் செங் சி, யான் ஸீ இணை கடந்த ஆகஸ்ட் மாதம் ஆஸ்திரேலியன் ஓபன் டென்னிஸ் போட்டியின் இரட்டையர் பிரிவில் வெற்றி பெற்று, கிராண்ட் ஸ்லாம் என்றழைக்கப்படும் புகழ்பெற்ற, பெரிய அளவிலான, அதிக பரிசுத்தொகை மதிப்பு கொண்ட போட்டியை வென்ற முதல் சீன இணை என்ற பெருமையை பெற்றனர். இந்த பெருமைக்கு மேலும் அழகு சேர்க்க விம்பிள்டன் போட்டியின் வெற்றியும் இப்போது அவர்கள் பக்கம். ஸ்பெயின் நாட்டு ருவானொ பஸ்குவால் மற்றும் அர்ஜென்டினாவின் பௌலோ சுவாரேஸ் இணையை விம்பிள்டன் இறுதியாட்டத்தில் 6- 3, 3- 6, 6- 2 என்ற செட்கணக்கில் வெற்றி பெற்று இவ்வாண்டின் இரண்டாவது கிராண்ட் ஸ்லாம் போட்டி வெற்றியை தங்களுடையதாக்கினர். பிரெஞ்சு ஓபன் போட்டியில் வெற்றி பெற்றிருந்தால் இது 3வது பெரிய வெற்றியாகியிருக்கும் ஆனாலும் விம்பிள்டனின் வெற்றியின் மூலம் டென்னிஸ் ஆட்ட தரவரிசையில் இரட்டையர் பிரிவில் அவர்களின் இடம் 3வதும், 4வதுமாக முன்னேறியுள்ளது என்பது மகிழ்ச்சியான செய்தி. விம்பிள்டனின் காலிறுதிப் போட்டி வரை தகுதி பெற்ற சீன வீராங்கனை லீ நா, ஒற்றையர் பிரிவு உலகத் தரவரிசையில் மேலும் முன்னேறி தற்போது 22வது இடத்தில் இருக்கிறார்.