உலகின் உயரமான கட்டிடமான தைபெய் 101ல் மாரத்தான் போட்டி:

மாரத்தான் என்னும் நீண்ட தூர ஓட்டம் பற்றி நாம் அறிந்திருப்போம். பொதுவாக சாலைகளில் பல இடங்களைக் கடந்து விளையாட்டரங்கில் நிறைவு பெறுவதாக இந்த மாரத்தான் போட்டிகள் நடைபெறுகின்றன. ஆனால் சாலைகள், விளையாட்டு அரங்குகள் இல்லாமல் உலகின் உயரமான கட்டிடங்களின் படிகளின் வழியே மேல் தளத்திற்கு, கட்டிடத்தின் உச்சிக்கு ஏறும் ஒரு மாரத்தான் போட்டியும் நடைபெறுவது நம்மில் பலருக்கு தெரிந்திருக்காது. அத்தகைய ஒரு படிகளில் ஏறி உச்சியை அடையும் ஒரு போட்டி இன்று தைபெயில் நடைபெறுவதாக கடந்த சில நாட்களுக்கு முன்பு கிடைத்த செய்திகள் கூறுகின்றன. உலகின் மிக உயரமான கட்டிடமான தைபெய் 101ல் இந்த மாரத்தான் போட்டி நடைபெறும் என்று அந்த செய்திகள் குறிப்பிட்டுள்ளன. கடந்த ஆண்டு முதன் முறையாக இந்த தைபெய் 101 கட்டிடத்தில் இந்த மாரத்தான் போட்டி நடைபெற்றது. அவ்வாறே உலகின் மற்ற உயரமான கட்டிடங்களிலும் இத்தைகைய படியேறும் மாரத்தான் போட்டிகள் நடைபெறுகின்றன. தைபெய் 101ல் நடைபெறும் இவ்வாண்டு மாரத்தான் போட்டிக்கென வெளிநாடுகளின் முன்னணி படியேறும் போட்டிகளின் வீரர்கள் உட்பட ஆயிரம் பேர் பங்கெடுப்பார்கள் என்று இக்கட்டிடத்தின் மக்கள் தொடர்பு அதிகாரி ஒருவர் கூறியிருந்தார்.

91 மாடிகளையும், 2046 படிகளையும் இந்த போட்டியாளர்கள் ஏறவேண்டும். போட்டியின் பரிசுத் தொகை 6000 அமெரிக்க டாலர்கள். கடந்த ஆண்டும் ஜனவரி முதல் தேதியன்று திறந்து வைக்கப்பட்ட இந்த தைபெய் 101 கட்டிடம், மலேசியாவின் பெட்ரோனாஸ் இரட்டை கட்டிடத்தை விட உயரமானதாகும்.