தென் மேற்கு சீனாவின் யுன்னான் மாநிலத்தில் புகழ்பெற்ற சுற்றுலா இடமான தாலி நகரம் அமைந்துள்ளது. இந்த எழளில் மிக்க தாலி நகரின் இயற்கைக் காட்சி, வரலாற்றுச் சிறப்பிடம். தேசிய இனங்களின் பழக்க வழக்கங்கள் ஆகியவை மேன்மேலும் அதிகமான உள்நாட்டு மற்றும் வெளிநாட்டுப் பயணிகளை ஈர்த்துள்ளன.

தாலி நகரில் மிகப் பிரபல இயற்கைக் காட்சி, சான்சாங் மலை மற்றும் ஆல்ஹை கடலாகும். சான்சாங் மலையின் சிகரம் 4100 மீட்டருக்கும் மேலாகும். அதனை ஒட்டியமைந்துள்ள சில மலைகளின் சிகரம், கடல் மட்டத்திலிருந்து 3800 மீட்டர் உயரத்திற்கு மேல் அமைந்துள்ளது.

சான்சாங் மலையின் அடிவாரத்தில் பரந்த ஆல்ஹை கடல் உள்ளது. அது, தெற்கிலிருந்து வடகே ஏறக்குறைய 42 கிலோமீட்டர் நீளமும் கிழக்கிலிருந்து மேற்கே 3 முதல் 9 கிலோமீட்டர் அகலமும் உடையது.

சுற்றுலா படகில் ஏறி, ஆல்ஹை கடலில் எழில்மிக்க சான்சாங் மலை மற்றும் ஆல்ஹை கடலின் காட்சியைக் கண்டுகளிப்பது, கண்களுக்கு ஒரு நல்ல விருந்தாகும் என்று கூறலாம். தாலி நகரில் நாள்தோறும் அதிகமான சுற்றுலா படகுகள் ஆல்ஹை கடலில் பயணம் செய்கின்றன.

பயணிகள், குறிப்பிட்ட சுற்றுலா நெறிகளுக்கிணங்க, கடலோரத்திலுள்ள காட்சித் தலங்களுக்கு அல்லது ஆல்ஹை கடலிலுள்ள சில சிறிய தீவுகளுக்குச் சென்று பார்வையிடலாம்.

அப்படகுகளின் தளத்தில் நின்ற வண்ணம், தெந்த கடல் நீரையும் கடலோரத்திலுள்ள இயற்கை காட்சியையும் கண்டுகளிப்பது பயணிகளுக்கு மிகவும் விருப்பம்.