மற்றொரு கனவு அணியாக வர்ணிக்கப்பட்ட சீனாவின் ஜிம்னாஸ்டிக் அணி கடந்த 2004 ஒலிம்பிக்கில் சோர்ந்து போனாலும் கடந்த சில நாட்களுக்கு முன்பு டென்மார்க்கில் நடந்த உலக சாம்பியன்ஷிப் போட்டிகளில் வெற்றிகளை குவித்து சாம்பியனாக சாதனை படைத்தது, அதே அணி டோஹாவுக்கு தங்க வேட்டைக்கு தயாராகிக்கொண்டிருக்கிறது.

தடகள போட்டிகளில் உலக சாதனையாளர், இவ்வாண்டு சர்வதேச தடகள கூட்டமைப்பின் சிறந்த திற்மையாளர் விருதை வென்றவர், சீனாவின் பறக்கும் மனிதன் என்றழைக்கப்படும் லியு சியாங் தலைமையில் அணி திரண்டு நிற்கின்றனர் சீன தடகள வீரர்களும், வீராங்கனைகளும். பூசானில் 4 ஆண்டுகளுக்கு முன்பு நடைபெற்ற ஆசிய விளையாட்டு போட்டிகளீன் தடகள விளையாட்டு பிரிவில் மொத்தம் 14 தங்கங்களை, அதாவது தடகள விளையாட்டின் மூன்றில் ஒரு பங்கு தங்க பதக்கங்களை சீனா வென்றது. இந்த முறை எத்தனை என்பது லியு சியாங்கின் பின் அணிவகுத்து நிற்கும் 40 தடகள வீரார்கள் வீராங்கனைகளின் கையில் உள்ளது.