15வது ஆசிய விளையாட்டு போட்டிகள் கத்தார் தலைநகர் தோஹாவில் தொடங்கி நடைபெற்றுக்கொண்டிருக்கின்றன. 45 நாடுகள் மற்றும் பிரதேசங்களைச் சேர்ந்த வீரர்களூம், வீராங்கனைகளும் பங்கேற்கும் இந்த 15வது ஆசிய விளையாட்டு போட்டிகளில் 647 பேர் கொண்ட அணியை சீனா அனுப்பியுள்ளது.
இதில் பெரும்பான்மையான வீரர்களும் வீராங்கனைகளும் முதன்முறையாக சர்வதேச அளவிலான போட்டியில் கலந்துகொள்ளும் புதுமுகங்கள், இளம் வீரர்கள் மற்றும் வீராங்கனைகள் என்பது குறிப்பிடத்தக்கது. 2008ம் ஆண்டு பெய்சிங் ஒலிம்பிக் போட்டிகளை இலக்கு வைத்து இந்த ஆசிய விளையாட்டு போட்டிகளை சர்வதேச ரீதியிலான போட்டி வாய்ப்பாக இந்த இளம் வீரர்களுக்கும், வீராங்கனைகளுக்கும் அனுபவ பயிற்சி வாய்ப்பாக இந்த ஆசிய விளையாட்டு போட்டிகள் அமையும்.
உலகின் மூன்றில் இரண்டு பங்கு மக்கள் தொகையை பிரதிந்தித்துவப்படுத்தும் நாடுகள் மற்றும் பிரதேசங்களைச் சேர்ந்த 10 ஆயிரத்து 500 விளையாட்டு வீரார்களும் வீராங்கனைகளும் தங்களது திறனை வெளிப்படுத்தும் சிறந்த ஒரு வாய்ப்பாக இந்த தோஹா ஆசிய விளையாட்டு போட்டிகளை பயன்படுத்திக்கொள்வார்கள் என்பது பரவலான எத்ரிபார்ப்பும் நம்பிக்கையும் ஆகும்.
நேற்று டோஹா ஆசிய விளையாட்டுப் போட்டி தொடர்ந்து நடைபெற்றது. சீனப் பிரதிநிதிக் குழு 29 தங்கப் பதக்கங்களை பெற்று முதலிடம் வகிக்கின்றது. ஜப்பான் 7 தங்கப்பதக்கங்களுடன் இரண்டாம் இடத்திலும் தென் கொரியா 4 தங்கப்பதக்கங்களுடன் மூன்றாம் இடத்திலும் உள்ளன. ஆடவருக்கான சைக்கிள் ஓட்டப் போட்டியில் ஹுவாங் ஜன் பாவ், சீன ஹாங்காங் பிரதிநிதிக் குழுவுக்கு முதலாவது தங்கப் பதக்கத்தை வென்றார்.
மேசை பந்து போட்டியில், சீன ஆடவர் அணி, தென் கொரிய அணியையும் சீன மகளிர் அணி சிங்கப்பூர் அணியையும் தோற்கடித்து தங்கப் பதக்கம் பெற்றன. சீன மகளிர் ஜிம்னாஸ்டிக்ஸ் அணி, குழுப் போட்டியில் தங்கப் பதக்கம் பெற்றது. நீச்சல் போட்டியில் சீனாவின் புகழ்பெற்ற வீராங்கனையான ஜி ஹுய் மகளிர் 400 மீட்டர் கலப்பு நீச்சலில் தங்கப் பதக்கம் பெற்றார். டோஹா ஆசிய விளையாட்டுப் போட்டியில் அவர் பெற்ற இரண்டாம் தங்கப்பதக்கம் இதுவாகும்.
மகளிருக்கான பளுத் தூக்கல் போட்டியின் 58 கிலோகிராம் எடைப் பிரிவில், சீன வீராங்கனை சென் யான் ஜிங் 251 கிலோகிராம் என்ற ஒட்டுமொத்த எடையுடன் தங்கப் பதக்கம் பெற்றதோடு, பற்றி எடுத்துத் தூக்கல், அசைத்துத் தூக்கல், மொத்த எடை ஆகியவற்றில் புதிய உலகச் சாதனையை படைத்தார். மகளிருக்கான 10 மீட்டர் air கை துப்பாக்கி சுடுதல் போட்டியில், சீன அணி 1161 புள்ளிகளுடன் தங்கப் பதக்கத்தை பெற்றது. இந்த சாதனை உலக பதிவுக்கு சமனானது. கால் பந்து போட்டியில் சீன அணி 3-1 என்று கோல் கணக்கில் மலேசியாவைத் தோற்கடித்தது.
|