ஆணும் பெண்ணும் இணையும் திருமண விழாவில், நம்ப ஊர் மாப்பிள்ளை மணப் பெண்ணுக்குத்தாலிகட்டி மூன்று முடிச்சுப் போடுகிறார். சீனாவிலோ, மணமகனின் மேலாடையையும், மணமகனின் மேலாடையையும் இணைத்து முடிச்சுப் போடுகிறார்கள். Xi Jie Lian Li-அதாவது செடிகளின் கிளைகள் ஒன்றுடன் ஒன்று பிணைந்து கொள்கிறதாம். நம்ம ஊரிலும் தாலிகட்டி முடித்து தீயை வலம் வரும் போது, மணமகனின் கைவிரல்களை மணமகள் பற்றிக் கொள்வாள். மணமகளின் சேலை முந்தானை, மணமகனின் மேலாடைத் துண்டின் நுனியுடன் சேர்த்து முடிச்சுப் போடப்பட்டிருக்கும். அப்படித்தானே！

திருமணம் முடிந்ததும் மணமக்களை Bai Nian Hao He-நூறாண்டு காலம் இனிமையான மண வாழ்வு நடத்துங்கள் என்று சீனாவில் வாழ்த்துகிறார்கள். Bai Tou Dao Lao-முதுமையை அடைந்து முழுமையாக தலை முடி நரைக்கும் வரையிலும் அன்பு மாறாத் தம்பதியாய் சேர்ந்து வாழ வேண்டுமாம். நாமோ திருமணம் நடக்கும் நல்ல நேரத்தில் முடிநரைப்பது முதுமை அடைவது போன்ற வயோதிக விஷயங்கள் பற்றி நினைத்துக் கூடப் பார்ப்பதில்லை. சீனாவில் He He Mei Mei Tian Tian Mi Mi என்று வாழ்த்துகிறார்கள் அதாவது ஒற்றுமை ஒற்றுமையால் இருந்து, மகிழ்ச்சி மகிழ்ச்சியாய் வாழ்ந்து, இனிமை இனிமையாக, தேன் தேனாக இன்பம் பெருகட்டும் என்பது இதன் பொருள். இதன் நோக்கம் என்ன？ Zao Sheng Gui Zi-சீக்கிரமே குழந்தை பெறுவது. நாமும் அப்படித்தானே வாழ்த்துகிறோம்-சீக்கிரமே ஒரு பேரக்குழந்தையைப் பெத்துக் கொடுங்க என்று சொல்லி மண மக்களை வெட்கப்பட வைப்பதில்லையா？