"ஸ்" என்ன வெப்பம்！ என்ன வெப்பம்！" என்று கூறிக் கொண்டார். இதைக் கண்டதும் ஒரு விருந்தினர்.

"என்னங்க இது, குளிர்காலத்துல, அதுவும் ராத்திரியிலே வெப்பம்னு சொல்றீங்களே," என்று கிண்டலடித்தார்.

"ஐயா, உங்களுக்குத் தெரியாது. குளிர்காலத்துல கூட எனக்கு ஜில்லுனு காத்து உடம்புல பட்டுக்கிட்டே இருக்கணும். இல்லேனா வேர்த்துக் கொட்டும்," என்று கூறி சமாளித்தார்."

அது வீட்டுக்காரரின் காதில் விழுந்தது. அவர் அந்த ஏழை உறவினரைப் பார்த்து, இந்த நேரத்துல எதுக்கு வீட்டுக்கு போறீங்க？ இங்கேயே தங்குங்களே," என்று கேட்டுக் கொண்டார். 'உங்களுக்கு ஜில்லுனு காத்து வீச ஏற்பாடு செய்றேன்,' என்று கூறியபடியே, குளத்தை ஒட்டி இருந்த ஒரு சின்ன அறையை ஒதுக்கிக் கொடுத்தார்.

அன்றைக்குப் பார்த்து இரவில் குளிர் கடுமையானது. சிலுசிலுவென வாடைக் காற்று வீசியது. இதனால் குளத்தில் நீர் அலைகள் தோன்றி, மேலும் குளிர் நடுக்கியது. வீட்டுக்காரரோ மெல்லிய போர்வை ஒன்றை மட்டுமே கொடுத்திருந்தார். அது குளிர்தாங்கவில்லை. அந்த ஏழை உறவினர் என்ன செய்தார் தெரியுமா？ போர்வையை நன்றாக உடம்பில் கட்டிக்கொண்டு குளத்தங்கரையில் வேகவேகமாக நடக்கத் தொடங்கினார். அப்படியாவது உடம்பில் சூடு ஏறட்டுமே என்ற நினைப்பு தான். ஆனால் வேகவேகமாக நடந்த போது, கால் தடுமாறி குளத்தில் விழுந்து விட்டார். அந்தச் சத்தத்தைக் கேட்ட வீட்டுக் காரர் எட்டிப்பார்த்து,

"என்னய்யா? என்ன ஆச்சு? இந்த ராத்தில் நேரத்தில் குளத்துக்குள்ளே என்ன பண்றீங்க？" என்று கேட்டார்.

அந்த ஏழை உறவினர் விட்டுக் கொடுக்காமல் பேசிச் சமாளித்தார்.

"ஹி, ஹி" உங்களுக்குத் தான் தெரியுமே எனக்கு வெப்பம்னா ஆகாது, நீங்க ஒதுக்கிக்கொடுத்த அறைக்குள்ளே கதகதப்பா இருந்தது. அதான் குளத்துல ஒரு முங்கு போட்டு, உடம்பை சில்லுனு ஆக்கலாமேன்னு பார்த்தேன்."