உலகில் மிக உயரமான மர வீடு         ரஷியாவின் வட மேற்கிலுள்ள ஆர்ஹாங்கர்ஸ் நகரில் விசித்திர வடிவிலான மர வீடு ஒன்று வானளாவ நிற்கின்றது. 13 அடுக்கு மாடிகளுடன் கூடிய இம்மர வீட்டின் உயரம், 43.9 மீட்டர். இது, உலகின் மிக உயரமான மர வீடு எனக் கருதப்படுகிறது. நிகுலா சுதியாஜின் என்னும் கோடீசுவரர், மரத்தாலான இந்த அடுக்கு மாடி வீட்டைக் கட்டியமைக்க 15 ஆண்டுக்காலம் பிடித்தது. சுதியாஜினுக்கு இந்த மரவீடு மிகவும் பிடி்த்திருக்கிறது. தொலைவில் நின்று பார்த்தால், அது பாரம்பரிய ஜப்பானிய மரக் கோபுரம் போல் காட்சி அளிக்கும். ஆனால், அருகே சென்று பார்த்தால், அது வனத்தெய்வக் கதையிலான ராட்சதர் நாட்டின் மர வீடு போல் தோற்றமளி்க்கும் என்பது, அதன் தனிச்சிறப்பாகும்.

உக்ரைனில் 116 வயது முதியவர்                உக்ரைன் நாட்டில், கிரிகோலி ஞெஸ்தோல் என்பவர், மார்ச் 15ஆம் தேதி தமது 116வது பிறந்த நாளைக் கொண்டாடினார். உக்ரைனில் நீண்ட ஆயுளுடன் வாழும் முதியவர் அவரேயாவார். அவர்தம் பிறந்த நாளன்று, உள்ளூர் அரசு அவருக்கு அன்பளிப்பு வழங்கி வாழ்த்து தெரிவித்தது. நீண்ட ஆயுளுடன் வாழ்வதற்குக் காரணம் என்ன என்று பிறர் கேட்ட போது , அவர் பதிலளித்ததாவது: ஒருவர் நீண்ட ஆயுளுடன் வாழ வேண்டுமானால், முதலில் வெறும் கால்களால் நடந்து செல்ல வேண்டும். அடுத்து, தயிரை அருந்த வேண்டும். மற்றப்படி, திருமணம் செய்யக் கூடாது. நான் திருமணம் செய்திருந்தால் எப்பொழுதோ சவக்குழிக்குள் நுழைந்திருப்பேன் என்றார் அவர். ஞெஸ்டோல் கிழவர் தம் தம்பிப் பேத்தி ஒக்சானா குடும்பத்தினருடன் சேர்ந்து வாழ்ந்து வருகிறார். ஞெஸ்டோல் தாத்தா இன்னும் திடகாத்திரமாக இருக்கிறார் என்றும், உடலுழைப்பில் ஈடுபடச் சக்தி இல்லை என அவர் அடிக்கடி வருந்துவதாகவும் அவரது உறவினர் கூறினார்கள்.