கிராமப்புறங்களில் தனியாக வாழ்கின்ற குழந்தைகளின் கல்வி மற்றும் வாழ்க்கை பிரச்சினையை தீர்க்கும் வகையில், கிராமப்புறங்களில் உறைவிட வசதியுடைய பள்ளிகளில் கட்டுமானத்தை சீன அரசு விரைவுப்படுத்தும். அடிப்படை நிலையான அரசாங்கம், பள்ளி, குடும்பம், சமூகம் ஆகியவை கூட்டாக பங்கெடுக்கும் ஒட்டுமொத்த ஆதரவு வலைப்பின்னலை உருவாக்குவதன் மூலம் அவர்களை செவ்வனே பாதுகாப்பது பற்றிய நீண்ட கால பயனுள்ள பணி முறைமையை ஆராய்ந்து மேம்படுத்த வேண்டும். குடும்பக் கல்வி வழிக்காட்டுதல் மற்றும் சேவை பணி மேலும் வலுப்படுத்தப்படும், இத்தகைய குழந்தைகளின் கண்காணிப்பாளர்களுக்கு வழிக்காட்டு பயிற்சி வழங்கப்படும் என்று வாங்ச்சிங்யீ கூறினார்.

இவ்வாண்டு முதல், அனைத்து கிராமப்புறங்களிலும் சீன அரசாங்கம் கட்டாய கல்வியை நடைமுறைப்படுத்தி கல்விச் செலவை நீக்கத் துவங்கியுள்ளது கிராமப்புறத்திலுள்ள சுமார் 15 கோடி துவக்க மற்றும் இடை நிலை பள்ளி மாணவர்கள் இதன் மூலம் நன்மை பெறுவார்கள் என்று தெரிய வருகிறது. இளம் வயதினர்கள் கல்வி பெறும் உரிமையை மேலும் பாதுகாக்கும் வகையில், சீனாவின் தொடர்புடைய வாரியங்கள், திட்டத்தை உருவாக்கி, எதிர்காலத்தில் நகர் வாழ் வட்டாரத்தின் மாணவர்களின் கல்வி செலவை நீ்க்கும் என்று தெரிய வருகிறது