க்ளீட்டஸ் – வாணி, இன்று ஒரு வகை சைவ உணவு பற்றி எடுத்துக் கூறுவோம், அல்லவா？

வாணி – ஆமாம். உருளைக்கிழங்கு கொண்ட ஒரு உணவு வகையின் தயாரிப்பு பற்றி கூறுவோம். இது சீனாவின் யுனான் மாநிலத்தின் பாரம்பரிய உணவு வகைகளில் ஒன்றாகும். இதற்கு நகைச்சுவையான ஒரு பெயர் உண்டு.

க்ளீட்டஸ் – என்ன பெயர்？

வாணி – தாத்தா உருளைக்கிழங்கு. பல் இல்லாத தாத்தா கூட இதனை ருசிப் பார்க்கலாம் என்பது இதற்கான காரணம் என்று நினைக்கிறேன்.

க்ளீட்டஸ் – அப்படியா, பற்கள் கொண்ட நாங்களும் கண்டிப்பாக ருசிப்பார்க்கலாம்.

வாணி – சரி. தேவையான பொருட்கள் பற்றி நான் கூறுவேன்.
உருளைக்கிழங்கு 2
கறுப்பு மிளகுத் தூள் 4 கிராம்
வெங்காயம் 1
உப்பு 5 கிராம்
சமையல் எண்ணெய் 30 மில்லி லிட்டர்

வாணி – முதலில் நாம் உருளைக்கிழங்குகளை நன்றாகச் சுத்தம் செய்ய வேண்டும். பிறகு, இவற்றை நீரில் போட்டு நன்றாக வேகவிடுங்கள். க்ளீட்டஸ், உருளைக் கிழங்கு வெந்துவிட்டது என்பதை எப்படி உறுதிபடுத்துவது என்று உங்களுக்கு தெரியுமா？

க்ளீட்டஸ் – நீங்கள் சொல்லுங்கள்.

வாணி – நான் chopsticks பயன்படுத்துகின்றேன். ஒரு chopstick மூலம், உருளைக்கிழங்கை எளிதாக குத்து முடிந்தால், இந்த உருளைக்கிழங்கு முற்றிலும் வேகவைக்கப்பட்டது என்பதை உறுதிபடுத்தலாம்.

க்ளீட்டஸ் – சரி, எனக்கு புரிகிறது. வேகவைக்கப்பட்ட உருளைக்கிழங்குகளை குளிர் நீரில் சில நிமிடங்கள் வையுங்கள். சூடாக இல்லாத போது, நீங்கள் உருளைக்கிழங்குகளின் தோலை பிரிக்கலாம். பிறகு, இவற்றைச் சிறிய பொடிப்பொடியாக நறுக்கவும்.

வாணி – அடுத்து, இந்த உருளைக்கிழங்கு துண்டுகளை ஒரு பெரிய பாத்திரத்தில் வைத்து, இவற்றை மாவாக்க வேண்டும். இதைச் செய்யும் போது, கூடவே கறுப்பு மிளகு தூள், உப்பு ஆகியவற்றைச் சேர்க்கலாம்.

க்ளீட்டஸ் – ஆமாம். இப்படி செய்தால் தான், இந்த உருளைக்கிழங்கு மாவு சுவையாக இருக்கும்.

வாணி – அடுத்து, வாணலியை அடுப்பின் மீது வைத்து, இதில் சமையல் எண்ணெயை ஊற்றவும். பிறகு, இதில் வெங்காய துண்டுகளை கொட்டவும். வெங்காயத்தின் மணம் வீசிய பிறகு, இவற்றை எண்ணெயிலிருந்து வெளியே எடுக்க வேண்டும்.

க்ளீட்டஸ் – இப்போது, நீங்கள் உருளைக்கிழங்கு மாவை எண்ணெயில் சேர்க்கலாம். வேகமாக வதக்கவும்.

வாணி – விரைவில், சுவையான உருளைக்கிழங்கு வறுவல் தயார்.

க்ளீட்டஸ் – இங்கே, ஒரு குறிப்பு. உங்களுக்கு வேறு சுவை பிடித்தால், இதில் மிளகாய் தூள் அல்லது, கறி மசாலா போன்றவற்றை இந்த வறுவலில் சேர்க்கலாம். 

வாணி – சரி, நேயர்களே, இன்று நாங்கள் அறிமுகப்படுத்திய உருளைக்கிழங்கு வறுவலை நீங்கள் வீட்டில் தயாரித்து ருசிப்பார்க்கவும்.

க்ளீட்டஸ் – வாணி, அடுத்த வாரம் எந்த உணவு வகை பற்றி நேயர்களுக்கு அறிமுகப்படுத்துவோம்?

வாணி – அடுத்த வாரம் கத்தரிர்காய் வறுவல் பற்றி அறிமுகபடுத்துவோம். இது ஒரு சைவ உணவாகும். நீங்கள் முன்கூட்டியே கத்தரிகாய், மிளகாய், பூண்டு, இஞ்சி, சோயா சாஸ் ஆகியவற்றை தயாரிக்கலாம்.