நாசி இனமக்கள் முக்கியமாக சீனாவின் Yunnan மாநிலத்தின் Lijiang நாசி இனத் தன்னாட்சி மாவாட்டத்தில் கூடி வாழ்கின்றனர். மற்றொரு பகுதியினர் Yunnan மாநிலத்தின் Weixi, Zhongdian, Ninglang, Deqin ; Sichuan மாநிலத்தின் Yanbian, Yanyuan, Muli, Xizang மாநிலத்தின் Zhikang முதலிய மாவட்டங்களிலும் சிதறி வாழ்கின்றனர். இதன் மக்கள் தொகை 2 லட்சத்து 78 ஆயிரத்து ஒன்பதாகும். ஆயிரம் ஆண்டுகளுக்கு முன், நாசி இன மக்கள் தம் இனத்தின் பெருமதிப்புள்ள பண்பாட்டு மரபு செல்வங்களைப் படைத்தனர். இச்செல்வங்களில் துங்பா சித்திர எழுத்துக்களும், இவ்வெழுத்துகளால் இயற்றப்பட துங்பா திருமறை நூல், அடங்குகின்றன. உள்நாட்டிலும் வெளிநாட்டிலும் பரந்து வரும் 20ஆயிரத்துக்கு அதிகமான துங்பா திருமறை நூலின் தொகுதிகளில், நாசி இனமக்களுடன் தொடர்புடைய வெவ்வேறான அறிவுகளும், குறிப்பிடப்படுகின்றன.

 இவை அறிவாளர்களால் நாசி இனத்தின் பழங்கால வாழ்க்கை பற்றிய கலைக்களஞ்சியமாகப் போற்றப்படுகின்றன.
நாசி இன மக்கள் முக்கியமாக வேளாண்மையில் ஈடுபடுகின்றனர். குறிப்பாக நெல், மக்காச்சோளம், கோதுமை, பருத்தி, கரும்பு, உருளைக்கிழங்கு முதலியவற்றைப் பயிரிடுகின்றனர். கால்நடை வளர்ப்பு துறையிலும், கைவினைத் தொழிலிலும், வளர்ச்சி காணப்படுள்ளது. Lijiang குதிரை என்னும் தொழில் நிறுவனம் நாடெங்கும் புகழ்பெற்றதாகும். தற்போது, பழுது பார்த்தல், நிலக்கரி அகழ்வு, மின்சார உற்பத்தி, வேதியல் உரம், மின்னாக்கி, மென்ரகத் தொழிற்துறை முதலிய துறைகளை, தொழில் நிறுவனங்கள் நடத்துகின்றன. இத்துடன், JinSha ஆற்றின் இரு கரைகளிலும், பல்வகை மூலிகைகள் விளைகின்றன.