ஹுவாங் பேரரசரின் கல்லறை, ச்சியௌ மலையில் உள்ளது. அங்கு தெளிந்த ஆறுகளும், பச்சையான மலைகளும், தேவதாரு மரங்களும், இருக்கின்றன. நன்கு காலங்களிலும், இங்கு, பச்சைப் பசேல் என்ற காட்சி அழகாக இருக்கிறது. மலையடிவாரத்தில், ஒரு பெரிய பாதை, கல்லறைக்கு நேராக செய்கிறது. கல்லறையின் விதான மண்டபத்தின் நடுவிலுள்ள ஒரு உயரமான கற்சானத்தில், ஹுவாங் பேரரசரின் கல்லறை என்ற மூன்று சீன எழுத்துகள் எழுதப்பட்டுள்ளன. இவ்விதான மண்டபத்தின் பின்புறத்திலுள்ள ஒரு கற்சானத்தில், ச்சியௌ ஷான் லோங் துயொ என்ற நன்கு எழுத்துக்கள் எழுதப்பட்டுள்ளன. இக்கல்லறை, மலையின் உச்சியின் நடுவில் இருக்கிறது. அது, 3.6 மீட்டர் உயரமும், 48 மீட்டர் சுற்றளவும் கொண்டது.

ஹுவாங் பேரரசரின் கோயில், சதுர வடிவமாகக் காணப்படுகிறது. இக்கோயிலின் வாயில், தெற்கு திசையை நோக்கி அமைந்துள்ளது. வாயிலின் மேல், சியுவான் யுவான் கோயில் என்ற மூன்று எழுத்துக்கள் பொறிக்கப்பட்டுள்ளன. கோயிலுக்குளுள்ள மண்டபத்தின் நடுவில், ஹுவாங் பேரரசரின் மாபெரும் நினைவு பலகை வைக்கப்பட்டுள்ளது. இக்கோயிலின் தோட்டத்தில், ஒரு பெரிய சைப்பிரஸ் மரம் வளர்கிறது. இது, ஹுவாங் பேரரசர் தாமாகவே நட்ட மரம் என்று அறியப்படுகிறது. இது வரை, 4 ஆயிரம் ஆண்டுகள் ஆகியுள்ளன. அது, 19 மீட்டர் உயரமும், 10 மீட்டர் சுற்றளவும் உடையது. இம்மரம், உலக சைப்பிரஸ் மரங்களின் தந்தை என அழைக்கப்படுகிறது.

இக்கல்லறை, சீனாவின் முதல்தர கல்லறை என அழைக்கப்படுகிறது. பல்லாயிரக்கணக்கான ஆண்டுகளாக, ஒவ்வொறு ச்சிங் மிங் விழா நாட்களிலும், இங்கு வந்து, வணக்கம் செலுத்துகின்ற பயணிகளின் எண்ணிக்கை, அதிகமாக இருக்கிறது.