சீனாவின் அன்ஹுவேய் மாநிலத்தின் தென்பகுதியில், தேவதாரு மரங்கள், விசித்திரமான பாறைகள், மேகம் ஆகியவற்றினால், உலகளவில் புகழ்பெற்ற ஹுவாங் சான் மலை அமைந்துள்ளது. இது, சீனாவில் புகழ்பெற்ற சுற்றுலா இயற்கைக்காட்சியாகவும், உலகப் பண்பாட்டு மற்றும் இயற்கை மரபு செல்வமாகவும் திகழ்கின்றது. இன்று, என்னுடன் சேர்ந்து, ஹுவாங் சான் மலையின் அழகான காட்சியை உணர்ந்துக்கொண்டு வாருங்கள். ஹுவாங் சான், மலைகளின் இயற்கைக் காட்சிகளை தனிச்சிறப்பியல்பாக கொண்ட சுற்றுலா இடமாகும். இதில், பெயர் கொண்ட மலைகளின் எண்ணிக்கை, 72ஐ எட்டியுள்ளது.

சீனாவின் வேறு இடங்களிலுள்ள மலைகளை விட, ஹுவாங் சான் மலையில் தேவதாரு மரங்கள் நிறைய வளர்வது குறிப்பிடத்தக்கது. இந்தத் தேவதாரு மரங்கள், பெரிய கற்பாறைகளிடை கீற்றுகளில் வேரூன்றி வளர்கின்றன. அதன் இலைகள், மேலே நோக்கி, உயிர் ஆற்றலை காட்டியுள்ளன. ஹுவாங் சான் மலை இயற்கை காட்சி மண்டலத்தின் நிர்வாக கமிட்டியின் பொறுப்பாளர் WANG HENG LAI கூறியதாவது:
ஹுவாங் சானிலுள்ள தேவதாரு மரம், கடல் மட்டத்திலிருந்து 800 மீட்டருக்குக் கூடுதான உயரமுள்ள இடங்களில் வளர்கின்றது. சுற்றுச்சூழல், எவ்வளவு மோசமாக இருக்கின்றதோ, அவ்விடங்களில் அது அவ்வளவுக்கு கம்பீரமாக வளரும் என்றார் அவர்.

YU PING என்னும் மாளிகை, ஹுவாங் சான் மலையில், தேவதாரு மரத்தைப் பார்த்து ரசிப்பதற்கு மிக நல்ல இடமாகும். அதற்கு முந்திய செங்குத்தானப் பாறைகளில், விருந்தினருக்கு வரவேற்பு அளிப்பது என்னும் தேவதாரு மரம், விருந்தினரை உபசரிப்பது என்னும் தேரதாரு மரம், விருந்தினரை வழிஅனுப்புவது என்னும் தேவதாரு மரம் ஆகிய மூன்று புகழ்பெற்ற தேவதாரு மரங்கள், வளர்கின்றன. YU PING மாளிகையின் இடதுப்பக்கத்திலுள்ள விருந்தினருக்கு வரவேற்பு என்னும் தேவதாரு மரத்தின் வயது, 800க்கு அதிகமானதாகும். தற்போது, இம்மரம், ஹுவாங் சான் விசித்திரமான தேவதாரு மரங்களின் பிரதிநிதியாக மட்டுமல்ல, முழு ஹுவாங் சான் மலையின் சின்னமாகவும் மாறியுள்ளது.