ஐரோப்பிய ஒன்றியம், உண்மைகளுக்கு மதிப்பு அளித்து நீதியின் பக்கத்தில் நின்று, சர்வதேசச் சமூகத்துடன் இணைந்து, தலாய் லாமா குழுவின் வன்முறை குற்றச்செயலைக் கூட்டாக தடுத்து நிறுத்த வேண்டுமென சீன அரசு விரும்புகின்றது. சீன வெளியுறவு அமைச்சகத்தின் செய்தித் தொடர்பாளர் சின் காங் இன்று பெய்சிங்கில் நடைபெற்ற செய்தியாளர் கூட்டத்தில் இவ்வாறு கூறினார்.

திபெத் தன்னாட்சிப் பிரதேச நிலைமை குறித்து ஐரோப்பிய ஒன்றியம் வெளியிட்ட தலைமை வகிக்கும் நாட்டின் அறிக்கையைச் சீன அரசு கவணித்துள்ளது என்று சின் காங் தெரிவித்தார். ஐரோப்பிய ஒன்றியம் மற்றும் அதன் உறுப்பு நாடுகளிடம் அண்மையில் லாசா நகரில் நிகழ்ந்த வன்முறையான குற்றச்செயல்களின் உண்மைகள் பற்றியும் சட்டப்படி, தொடர்புடைய வாரியங்கள் கையாண்ட நிலைமைகள் பற்றியும் சீனா விளக்கியுள்ளது என்றும் அவர் தெரிவித்தார்.