லாசாவிலான மார்ச் 14 வன்முறைச் சம்பவங்களில் நாசமாக்கப்பட்ட கடைகள் பல ஆபாச இடங்களாகும் என்று தலாய் லாமா அண்மையில் பேட்டி அளிக்கையில் கூறினார். ஆனால், புள்ளிவிபரங்களின் படி, சட்டபூர்வமற்ற தொழில்களில் ஈடுபடும் கடைகள் ஏதும் காணப்படவில்லை என்று திபெத் தன்னாட்சி பிரதேசத்தின் வணிக மற்றும் தொழிற்துறை ஆணையத்தின் தொடர்புடைய பொறுப்பாளர் ஒருவர் தெரிவித்தார்.

இச்சம்பவங்களில் பாதிக்கப்பட்ட கடைகளின் மொத்த எண்ணிக்கை 1367ஆகும். அவற்றில் ஹான் இனம் மற்றும் திபெத் இனத்தினரது கடைகளின் எண்ணிக்கை முறையே 900 மற்றும் 90க்கு அதிகமாகும். தவிர, 270க்கு மேலான ஹுய் இனத்தோரின் கடைகளும் இருந்தன. உற்பத்தி தொழில் துறை, மொத்த மற்றும் சில்லறை விற்பனை வணிகம், உணவுத் துறை, பண்பாட்டு மற்றும் விளையாட்டுப் பொருள் தொழில், மருத்துவ மற்றும் சுகாதாரத் தொழில் முதலியவற்றில் இக்கடைகள் ஈடுபட்டுள்ளன என்று தெரிய வருகிறது.