சீனாவின் சிச்சுவான் மாநிலத்தில் 12ம் நாள் கடுமையான நிலநடுக்கம் ஏற்பட்ட பின், சீன அரசின் தலைமையில் பேரிடர் நீக்கப் பணி, நாடு முழுவதிலும் இயன்ற அளவில் விரைவாக மேற்கொள்ளப்பட்டது. ஐ.நாவின் மனித நேய விவகார ஒருங்கிணைப்பு அலுவலகம், உலக சுகாதார அமைப்பு, ஐ.நாவின் சர்வதேச பேரழிவுத் தடுப்பு உத்தி நிறுவனம் ஆகியவை இதை வெகுவாகப் பாராட்டின.

ஐ.நாவின் மனித நேய விவகார ஒருங்கிணைப்பு அலுவலகத்தின் செய்தித் தொடர்பாளர் Elisabeth byrs அம்மையார் இந்நிலநடுக்கத்தால் பாதிக்கப்பட்ட பிரதேசத்துக்கு ஆழ்ந்த அனுதாபம் தெரிவித்தார். சுற்றுச் சூழல் பாதுகாப்புக்கான நிபுணர்களின் சிறப்புக் குழுவை இந்த அலுவலகம் சீனாவுக்கு அனுப்பி, தொடர்புடைய தரப்புகளுடன் நெருங்கிய ஒத்துழைப்பை மேற்கொள்ளும் என்று அவர் கூறினார்.

சீனாவிலுள்ள நிலநடுக்கப் பேரிடர் நீக்கப் பணியில் தாம் மிகுந்த நம்பிக்கை கொள்வதாக உலக சுகாதார அமைப்பின் செய்தித் தொடர்பாளர் fadela chaib அம்மையார் தெரிவித்தார்.