சீனப் பொதுத் துறை அமைச்சகத்தின் புள்ளிவிபரங்களின் படி, சீனாவின் சிச்சுவான் மாநிலத்து வென் சுவானில் ஏற்பட்ட கடும் நிலநடுக்கத்தில் 51 ஆயிரத்து 151 பேர் உயிரிழந்துள்ளனர். சுமார் 2 இலட்சத்து 80 ஆயிரம் பேர் காயமுற்றனர். 29 ஆயிரம் பேர் காணாமல் போயினர். சீன அரசவை செய்திப் பணியகத்தின் செய்தித் தொடர்பாளர் Guo Weimin இன்று பெய்சிங்கில் நடைபெற்ற செய்தியாளர் கூட்டத்தில் இதைத் தெரிவித்தார்.

இன்று பிற்பகல் 2 மணி வரை, பேரிடர் நீக்கப் பணிகளில் சீனாவின் பல்வேறு நிலை அரசுகள் ஆயிரத்து 397 கோடியே 50 லட்சம் யுவானை ஒதுக்கீடு செய்துள்ளன. இன்று நண்பகல் வரை, பாதிக்கப்பட்ட பிரதேசங்களுக்கான சீன மற்றும் வெளிநாட்டு உதவித்தொகை 2 ஆயிரத்து 140 கோடி யுவானைத் தாண்டியது.