இத்தாலி அரசு வழங்கிய மூன்றாம் தொகுதி உதவிப் பொருட்கள், இன்று விடியற்காலையில், சங் து நகரின் ஷுவாங் லியு விமான நிலையத்தைச் சென்றடைந்தன. இது வரை, இத்தாலி அரசு, சீனாவுக்கு வழங்கிய 33 இலட்சம் யூரோ மதிப்பான நிவாரணப் பொருட்கள் மற்றும் உதவித்தொகை, முழுமையாக சி ச்சுவான் மாநிலத்தில் பாதிக்கப்பட்ட பிரதேசங்களைச் சென்றடைந்துள்ளன.

35 பேர் கொண்ட கியூபாவின் சர்வதேச மருத்துவச் சிகிச்சை மீட்புதவிக் குழு, இன்று முற்பகல், பெய்ஜிங்கின் தலைநகர் சர்வதேச விமான நிலையத்தை வந்தடைந்தது. இன்று பிற்பகல், சங் து நகருக்குச் சென்று, வென் ச்சுவான் நிலநடுக்கத்தால் காயமுற்றவருக்கு மருத்துவச் சிகிச்சை வழங்கியுள்ளன.

அமெரிக்கச் சர்வதேச வளர்ச்சி அலுவலகம், பாதிக்கப்பட்ட பிரதேசங்களின் மக்களுக்கு வழங்கிய 8 இலட்சத்து 15 ஆயிரம் அமெரிக்க டாலர் மதிப்பிலான மீட்புதவிப் பொருட்கள், 22ம் நாள் முற்பகல் சி ச்சுவான் மாநிலத்தின் சங் து நகர் சென்றடைந்தன.

துர்க்மேனிஸ்தான், பாதிக்கப்பட்ட பிரதேசங்களுக்கு உதவியாக வழங்கிய பொருட்கள் நேற்றிரவு, சீன கான் சூ மாநிலத்தின் லான் ச்சோ நகரின் ச்சோங் ச்சுவான் விமான நிலையத்தை சென்றடைந்தன. ஆடைகள், போர்வைகள், தலையணைகள், மருந்துப் பொருட்கள், மருத்துவச் சிகிச்சை உபகரணங்கள் முதலிய மக்களுக்கு உடனடியாகத் தேவைப்படும் பொருட்கள், அவற்றில் இடம்பெறுகின்றன.

22ம் நாள் நண்பகல் வரை, ரஷியாவின் நடமாடும் இராணுவ மருத்துவமனை, சி ச்சுவான் மாநிலத்தின் பாதிக்கப்பட்ட பிரதேசங்களில், காயமுற்ற 47 பேருக்கு சிகிச்சை வழங்கியுள்ளது.