இன்று நண்பகல் 12மணி வரை, சிச்சுவான் நிலநடுக்கதிற்காக, சீனா மற்றும் வெளிநாடுகளிலிருந்து வந்து சேர்ந்த நன்கொடைத் தொகை 4658கோடி யுவானாகும். நிலநடுக்கத்தால் பாதிக்கப்பட்ட பிரதேசங்களுக்கு 1560கோடியே 90இலட்சம் யுவான் மதிப்புள்ள நிதியும் பொருட்களும் ஒதுக்கப்பட்டுள்ளன. சீன அரசவையின் செய்தி அலுவலகம் இன்று இத்தகவலை அறிவித்தது.

இன்று நண்பகல் 12மணி வரையான நிலவரப்பிடி , 69 ஆயிரத்து 180பேர் நிலநடுக்கத்தில் உயிரிழந்தனர். 17ஆயிரத்து 398பேர் காணாமல் போயினர்.

சீன நிலநடுக்க ஆணையத்தின் அறிக்கையின் படி, நேற்று நண்பகல் 12மணி முதல் இன்று நண்பகல் 12மணி வரை, வென்ச்சுவான் பிரதேசத்தில் ரிக்டர் அளவையில் 3.9 மேற்படாத 198 நில அதிர்வுகள் ஏற்பட்டுள்ளன. ரிக்டர் அளவையில் 4 முதல் 4.9வரை பதிவான நில அதிர்வுகளின் எண்ணிக்கை, 3ஆகும். ரிக்டர் அளவையில் 5க்கு மேல் எந்த அதிர்வும் ஏற்படவில்லை.