பாவ்ஆன் இன மொழி, Altic மொழி குடும்பத்தின் மங்கோலிய கிளையைச் சேர்ந்தது. பாவ்ஆன் இன மக்கள், இஸ்லாம் மத நம்பிக்கை கொண்டவர்கள்.

வணிகத் தொழில், பாவ்ஆன் மக்களின் வாழ்க்கையில் மிக முக்கிய பங்காற்றுகிறது. நூற்றுக்கு மேலான ஆண்டுகால வரலாறு கொண்ட தாஹோசியா சந்தை, இன்றும் மிகப் பிரமாண்டமானது. இது, ச்சிங்காய், gansu முதலிய இடங்களை இணைக்கின்ற மையமாகும். புகழ் பெற்ற பாவ்ஆன் இடுப்பு கத்திக்கு, நூறு ஆண்டுகளுக்கு மேலான வரலாறு உண்டு. 30 வகைகள் கொண்ட இந்த கத்தி, வடமேற்கு சீனாவில், குறிப்பாக, திபெத்தில் அதிகமாக விற்கப்படுகிறது.

அலைந்து திரியும் ஆயர் மேய்ச்சல் இனமான மங்கோலிய மக்களின் மற்போர், குதிரை ஏறி அம்பு எய்தல் ஆகியவற்றை போன்ற விளையாட்டுகளை, பாவ்ஆன் இன மக்கள் நிலைநிறுத்தினர். உணவுப்பொருட்களில், கோதுமையும் அரிசியும் அவர்கள் முக்கியமாக சாப்பிடுகின்றனர். ஆடு மாடு இறைச்சிகளையும் சாப்பிடுகின்றனர். ஆனால், பன்றி, குதிரை, கழுதை, நாய் முதலிய விலங்குகளை அவர்கள் சாப்பிடுவதில்லை.

பாவ்ஆன் இன மக்களின் திருமணம், இஸ்லாமிய நாட்காட்டியின்படி வெள்ளிக்கிழமையில், மணப்பெணின் வீட்டில் நடைபெறுவது வழக்கம். நோன்பு முடிவு விழா， குர்பான் விழா， கடவுளை வழிபடும் விழா முதலியவை, பாவ்ஆன் இனத்தின் முக்கிய விழாக்களாகும். விழாவின் போது, சுவையான உணவுகளைத் தவிர, தலைசிறந்த தேநீரையும் பருகுகின்றனர். தவிரவும், தேநீர் கெண்டிகளும், கோப்பைகளும் தலைசிறந்ததாக இருக்க வேண்டும்.