அலுவலக விவகாரங்களுடன் காட்டூன் படமாக 2006 ஆண்டு இறுதியில் இணையதளங்களில் இது வெளியான போது அலுவலக பணியாளர்கள் பலரையும் கவர்ந்தது. மக்கள் பெட்டி போன்ற கட்டத்திற்குள் வாழ்ந்து கொண்டிருக்கிறார்கள். அலுவலகம், அலுவலக கட்டிடம், குடியிருப்பு வீடு, கார், சுரங்க இருப்புப்பாதை, மாடி ஏறும் மின்தூக்கி, மேசை, நாற்காலி, புத்தகங்கள் அனைத்தும் பெட்டி போன்றவையே. எல்லாம் பெரிய பெட்டியில் உள்ள சிறிய பெட்டிகளே. இந்த ஏதாவது பெட்டியிலான வாழ்க்கையை தான் மக்கள் அனுபவிக்கின்றனர் என்ற கருத்தை இந்த நாடகம் சுவையாக வழங்குகிறது. அதன் கதாநாயகன் அலுவலக பணியாளராக இருக்கிறார். அங்கு இளைய அல்லது கீழ்நிலை பணியாளர் சுரண்டப்படுவதையும் அதனை சமாளித்து எதிர்கொள்ளும் முறையையும், நகைசுவையாகவும், கண்ணீர் ததும்பவும் எடுத்து கூறியுள்ளனர். அன்றாட வாழ்வில் அத்தகைய சூழலை அனுபவித்தவர்களின் உள்ளத்தை இது ஆழமாக தொடுவது இயற்கை தான். நாடகத்தை தொடராக நடத்துவதில் பெட்டி என்ற நாடகம் முதல் முயற்சி. இன்னும் மேலதிக தொடர்களை எழுதி சீனாவின் பலப்பகுதிகளில் அதனை பரவல் செய்யப்போவதாக அதன் தயாரிப்பாளர் Guo Yan தெரிவித்துள்ளார். அலுவலகத்தை மகிழ்ச்சியான தளமாக அதாவது பெட்டியாக உருவாக்கலாமே!