சீன அரசுத் தலைவர் ஹூ சிந்தாவ், சர்வதேச ஒலிம்பிக் கமிட்டியின் தலைவர் Jacques Rogge, ஆயுட்கால கௌரவ தலைவர் Antonio Samaranch, உலக பல்வேறு பிரதேசங்களின் தலைவர்கள் மற்றும் விருந்தினர்கள் ஆகியோர், நிறைவு விழாவில் கலந்து கொண்டனர்.

ஒலிம்பிக் தீ அணைக்கப்பட்டாலும், சீன மக்கள் உலகைத் தழுவிக் கொள்ளும் உற்சாகத் தீ என்றுமே எரிந்து கொண்டிருக்கும். ஒலிம்பிக் எழுச்சி இடைவிடாமல் வளர இதயப்பூர்வமாக வாழ்த்துவதாக பெய்ஜிங் ஒலிம்பிக் அமைப்புக் குழுவின் தலைவர் லியோ ச்சி நிறைவு விழாவில் கூறினார்.

பெய்ஜிங் ஒலிம்பிக் விளையாட்டுப் போட்டி, தலைசிறந்ததாக அமைந்தது. ஒளிமயமான 16 நாட்கள், எங்கள் மனதில் என்றுமே பதிந்திருக்கும் என்று சர்வதேச ஒலிம்பிக் கமிட்டியின் தலைவர் Jacques Rogge நிறைவு விழாவில் கூறினார். சர்வதேச ஒலிம்பிக் கமிட்டியின் சார்பில், அவர் சீன மக்களுக்கும், அனைத்து தன்னார்வத் தொண்டர்களுக்கும், பெய்ஜிங் ஒலிம்பிக் அமைப்புக் குழுவிற்கும் நன்றி தெரிவித்தார்.

பெய்ஜிங் ஒலிம்பிக் விளையாட்டுப் போட்டி, ஒலிம்பிக் விளையாட்டு வரலாற்றில் மிக வெற்றிகரமான மாபெரும் விளையாட்டு விழாவாக பொறிக்கப்பட்டுள்ளது.