 வாணி – இன்று வாணி, க்ளீட்டஸ் இருவரும் தங்களுக்கு இன்னொரு சுவையான உணவு வகை பற்றி அறிமுகப்படுத்துகின்றோம்.
க்ளீட்டஸ் – வணக்கம், நண்பர்களே. வாணி, இன்று தயாரிக்கப்படும் உணவு வகை பற்றி நீங்கள் அறிமுகப்படுத்துங்கள்.
வாணி – சரி. இன்று தயாரிக்கப்படும் உணவு வகையின் சீனப் பெயர் tu dou jian bing. உண்மையில், இது கொரிய இன மக்கள் அடிக்கடி தயாரிக்கும் ஒரு உணவு வகையாகும்.
க்ளீட்டஸ் – அப்படியா. கொரிய இனம் சீனாவின் 56 தேசிய இனங்களில் ஒன்றாகும்.
வாணி – ஆமாம். கொரிய இனத்தோர் சீனாவின் வடகிழக்குப் பகுதியில் வசிக்கின்றனர். இன்று தயாரிக்கப்படும் உணவு வகை உருளைக்கிழங்கு பஜ்ஜி என்றும் அழைக்கலாம். ஏனென்றால், உருளைக்கிழங்கு பயன்படுத்தப்படும்.
க்ளீட்டஸ் – சரி, இறைச்சி ஒன்றும் இல்லாத இந்த உணவு வகையின் தயாரிப்பு முறையும் எளிதானது. நேயர்களே, வீட்டில் தயாரித்து ருசிபாருங்கள். வாணி, இதற்குத் தேவையான பொருட்களை முதலில் கூறுங்களேன்.
வாணி – நான் கூறுகின்றேன்.
சுமார் 300 கிராம் கொண்ட உருளைக்கிழங்கு 2 தேவை.
முட்டை ஒன்று
பால் 80 மில்லி லிட்டர்
வெங்காயத்தழை 15 கிராம்
சர்க்கரை ஒரு தேக்கரண்டி
உப்பு ஒரு தேக்கரண்டி
கோதுமை மாவு 50 கிராம்
சமையல் எண்ணெய் ஒரு தேக்கரண்டி
வாணி – முதலில், உருளைக்கிழங்குகளைச் சுத்தம் செய்ய வேண்டும். பிறகு, இவற்றை  நன்றாக வேகவைத்துக் கொள்ளுங்கள். பத்து நிமிடங்களுக்குப் பின், அவை அவ்வளவு வெப்பமாக இல்லாத போது, அவற்றின் தோலை நீக்கவும்.
க்ளீட்டஸ் – தோலில்லாத உருளைக்கிழங்குகளை பாத்திரத்தில் வைக்கவும். ஒரு பெரிய தேக்கரண்டி மூலம், அவற்றை மாவாக நசித்துக்கொள்ளவும்.
வாணி – வேறு ஒரு பாத்திரத்தில், முட்டையை உடைத்து நன்றாக கலத்து உருளைக்கிழங்கு மாவில் ஊற்றிக் கொள்ளுங்கள். பிறகு, இதில் பாலை ஊற்றவும். சர்க்கரை, உப்பு, கோதுமை மாவு ஆகியவற்றை இதில் கொட்டலாம். ஒரே திசையில் சுழற்றி, நன்றாக கலக்கவும்.
க்ளீட்டஸ் – இறுதியில், மாவாக்கப்பட்ட உருளைக்கிழங்கை இதில் சேர்க்கலாம். இந்த கலைப்பை சிறிய துண்டு துண்டாக எடுத்து, சிறிய சப்பாத்தி போல் தயாரிக்கவும்.
வாணி – ஒரு தட்டையான வாணிலியை அடுப்பின் மீது வைத்து, சமையல் எண்ணெயை ஊற்றவும். 10 வினாடிக்குப் பின், உருளைக்கிழங்கு சப்பாத்திகளை தனித்தனியாக இதில் போடலாம். அவற்றில் மீது நறுக்கப்பட்ட வெங்காயத் தழைகளை வைக்கலாம். சுமார் 2 நிமிட நேரம் வறுக்கவும். பிறகு, மறு பக்கத்துக்கு மாற்றி மேலும் 2 நிமிடம் வறுக்கவும்.
க்ளீட்டஸ் – இரு பக்கங்களும் பொன் நிறமாக மாறிய பின், இன்றைய உருளைக்கிழங்கு பஜ்ஜி தயார்.
வாணி – என்ன, நேயர்களே, இன்றைய உருளைக்கிழங்கு பஜ்ஜியின் தயாரிப்பு முறை மிகவும் எளிதானது, அல்லவா？
க்ளீட்டஸ் – வசதி இருந்தால், நீங்கள், இந்த உணவு வகை தயாரிப்பதில், கேரட் போன்ற இதர கிழங்குகளை சேர்க்கலாம். தனிச்சிறப்பு வாய்ந்த பஜ்ஜிகளைத் தயாரிக்கலாம்.
வாணி – சீன உணவுப் பண்பாடு பற்றி நேயர்களுக்கு அறிமுகப்படுத்துவதும், சொந்தமாக வீட்டில் சுவையான சீன உணவு வகைகளைத் தயாரிப்பது பற்றி நேயர்களுக்கு அறிமுகப்படுத்துவதும் சீன உணவு அரங்கம் நிகழ்ச்சியின் நோக்கமாகும்.
|
