பசுக்களுக்கு வழக்கமாக அளிக்கப்படும் சிகிச்சை முறைகளுக்கு மாற்றாக, சீன மூலிகை மருந்துகளை பயன்படுத்தி, பால் உற்பத்தியை பெருக்குவதோடு, வேதியல் பொருட்களற்ற பால் உற்பத்தியை தூண்டவும் திட்டமிட்டுள்ளனர். கால்நடைகளின் மடியில் ஏற்படும் வீக்கம், அவற்றின் கப்பப்பையின் உட்பாகத்தில் வீக்கம் போன்றவற்றிற்கு சீன மூலிகை மருந்தை பயன்படுத்தி ஆய்வாளர்கள் சோதனை செய்துவந்தனர். Liu Qian Su என்ற மூலிகை மருந்தை நோய் எதிர்ப்புக்காவும், தென் கிழக்கு சீனாவில் தயாராகும் அவரை தாவரக் குடும்பத்தை சேர்ந்த kudzu என்ற மூலிகையிலிருந்து எடுக்கப்பட்ட puerarin யை அதிக பால் சுரப்பதற்கும் மருந்துகளாக ஆய்வாளர்கள் பயன்படுத்தினர். இவற்றை பசுக்கள் உட்கொண்ட சில மணிநேரங்களில், மருந்து உடல் முழுவதும் பரந்து, கரைந்து, மறைந்து விடுவதால் பாலில் அம்மருந்து தொடர்பான எந்த மிச்சங்களுகம் தங்குவதில்லை என்கிறார் Liang Jianping.

தொடர்ந்த முயற்சியாக, இந்த சோதனைப் பண்ணை அமைந்துள்ள வடமேற்கு மாநிலமான கான்சு முழுவதும் இந்த முயற்சியை பரவல் செய்ய திட்டமிட்டு்ள்ளனர். இந்த சோதனை முறைமை வேளாண்மை அமைச்சக உறுப்பினர் ஒருவரின் மேற்பார்வையோடு நடைபெற்று வருகிறது. தயாரிப்புப் பொருட்கள் தரத்திற்கு ஏற்றதா என சோதித்தறிவது போல, அவை உற்பத்தி செய்யப்படும் முறைகளை கண்காணிப்பதன் அவசியத்தை இந்த ஆய்வு எடுத்து காட்டுகிறது அல்லவா!