சீனாவிலுள்ள 22 வெளிநாட்டு தூதரகங்களின் ராணுவ விவகார அதிகாரிகள், துணை ராணுவ விவகார அதிகாரிகள், அவர்களது மனைவிமார்கள் ஆகிய 41 பேர், ஏப்ரல் முதல் நாள், பெய்ஜிங்கில் திபெத் ஜனநாயகச் சீர்திருத்தத்தின் பொன்விழா தொடர்பான கண்காட்சியைப் பார்வையிட்டனர்.

இக்கண்காட்சி, திபெத்தில் ஜனநாயகச் சீர்திருத்தம் மேற்கொள்ளப்பட்ட கடந்த 50 ஆண்டுகளில், திபெத் கண்டுள்ள மாபெரும் முன்னேற்றங்கள் குறித்து, மேலும் நேரடியாக, பன்முகமாக, ஆழமாக அவர்கள் அறிந்துக் கொள்ளச் செய்துள்ளது. தவிர, திபெத் பிரச்சினை பற்றிய அறிவை அதிகரிப்பதற்கும் இது துணை புரியும் என்று பல ராணுவ விவகார அதிகாரிகள் தெரிவித்தனர்.