|
கோழியிறைச்சி கலப்பு உணவு வகை
cri
க்ளீட்டஸ் – இன்று வாணி, க்ளீட்டஸ் இருவரும் உங்களுக்கு இன்னொரு சுவையான சீன உணவு வகை பற்றி அறிமுகப்படுத்துகின்றோம்.
வாணி – க்ளீட்டஸ், நமது நேயர்களில் கோழி இறைச்சியை விரும்பியவர்கள் அதிகம்.
 க்ளீட்டஸ் – ஆமாம், கோழியிறைச்சி கலப்பு உணவு வகை பற்றி கூடுதலாக அறிமுகப்படுத்துமாறு பல நேயர்கள் கோரினர்..
வாணி – இன்றைய நிகழ்ச்சியில் அவர்களுக்கு ஒரு சிறப்பு உணவு வகை பற்றி அறிமுகப்படுத்துகின்றோம்.
க்ளீட்டஸ் – நல்லது. அதன் சீனப் பெயர் என்ன？
வாணி – சீனப் பெயர் ji rou ban fan. கோழியிறைச்சியும் சோறும் கலந்த உணவு தான் இது.
க்ளீட்டஸ் – சரி, தேவையான பொருட்களை எடுத்துக் கூறுங்கள்.
வாணி –- கோழியிறைச்சி கால் கிலோ 
சமையல் மது 2 தேக்கரண்டி
சமையல் எண்ணெய் 2 தேக்கரண்டி
பச்சை மிளகாய் 1
கேரட் 1
வெங்காயம் 1
பச்சை காளாண் 100 கிராம்
உப்பு போதிய அளவு
சோயா சாஸ் போதிய அளவு
சீரகம் சிறிதளவு
வாணி – முதலில், கோழியிறைச்சியை சிறிய துண்டுகளாக வெட்டிக் கொள்ளுங்கள். கடையில் கோழியிறைச்சி துண்டுகளை நேரடியாக வாங்கினால் நல்லது. சமையல் மதுவை கோழியிறைச்சி துண்டுகளில் ஊற்றி, கொஞ்சம் பிசையவும்.
க்ளீட்டஸ் – காளாண், பச்சை மிளகாய், வெங்காயம் கேரட் ஆகியவற்றை நன்றாக சுத்தம் செய்யுங்கள். வெங்காயத்தை மெல்லிய நூடுல்ஸ் போல் நறுக்கிக் கொள்ளுங்கள். காளாண், பச்சை மிளகாய், கேரட் ஆகியவற்றை பொடிப்பொடியாக நறுக்கிக் கொள்ள வேண்டும்.
வாணி – அரிசியை சுத்தம் செய்யுங்கள்.
க்ளீட்டஸ் – பிறகு, வாணலியை அடு்ப்பின் மீது வைத்து, சமையல் எண்ணெயை அதில் ஊற்றவும்.
வாணி – முதலில், கோழியிறைச்சியையும், வெங்காயத்தையும் வாணலியில் கொட்டி வதக்கவும். பிறகு, கேரட், காளாண், பச்சை மிளகாய் ஆகியவற்றை முறையே இதில் கொட்டி வதக்கவும்.
க்ளீட்டஸ் – இப்போது, சோயா சாஸ், உப்பு சீரகம் ஆகியவற்றை வாணலியில் சேர்க்க வேண்டுமா?
வாணி – ஆமாம். சேர்க்கலாம். வீட்டில் சோயா சாஸ் இருந்தால், 1 தேக்கரண்டி அளவை இதில் ஊற்றவும். இப்படி தயாரிக்கப்பட்ட உணவு வகையின் நிறம் மேலும் அழகானது.
க்ளீட்டஸ் – வேறு ஒரு வாணலியில் சாறு தயாரிக்க வேண்டும். அப்படியா?
வாணி – ஆமாம், நீங்கள் அரிசியின் அளவுக் கேற்ப, தண்ணீரை இதில் ஊற்றவும். பிறகு, சாதாரண வழி முறையில் சோறு தயாரிக்கலாம்.
க்ளீட்டஸ் –சோறு தயாராகிய பின், தயாரிக்கப்பட்ட கோழியிறைச்சி, காளாண், கேரட் முதலியவற்றை சோற்றுடன் நன்றாக கலந்து கொள்ளுங்கள்.
வாணி – இன்று தயாரித்த கோழியிறைச்சிச் சோறு, திருமணம் செய்யாத வேலையில் பரபரப்பாக ஈடுபடும் மக்களுக்கு பொருத்தமானது. தயாரிப்பு முறை எளிதானது. காய், இறைச்சி முதலியவை இடம்பெறும் இத்தகைய சோறு சாப்பிட்டால் சமநிலையிலான சத்துணவு கிடைக்கலாம்.
க்ளீட்டஸ் – ஆமாம், நேரம் இருந்தால், ஒரு எளிதான சூப் தயாரித்து கொண்டால், மேலும் சிறப்பானது.
வாணி – சரி, நிகழ்ச்சியைக் கேட்டதற்கு நன்றி. கடிதம் மூலம் சீன உணவு வகைகளைத் தயாரிப்பது பற்றிய உங்கள் அனுபவங்களை எழுதி அனுப்பி, எங்களோடு பகிர்ந்து கொள்வதை வரவேற்கின்றோம்.
|
|
