சீன மக்கள் விடுதலைப் படையின் கடற்படை நிறுவப்பட்ட 60வது ஆண்டு நிறைவை முன்னிட்டு வைர விழா கொண்டாட்ட அணி வகுப்பு நடவடிக்கை 23ம் நாள் பிற்பகல் 2：20 மணியளவில், சான் துங் மாநிலத்தின் சின்தாவ் நகருக்கு அருகிலுள்ள கடற்பரப்பில் நடைபெற்றது. சீனக்கம்யூனிஸ்ட் கட்சி மத்திய கமிட்டிப் பொதுச் செயலாளரும் அரசுத் தலைவரும் மத்திய இராணுவ ஆணையத்தின் தலைவருமான ஹு சிந்தாவ் Shi jia zhuang எனும் கப்பலில் இருந்தபடி, சீனக் கடற்படை மற்றும் விமானப் படையின் அணி வகுப்பு மரியாதையையும் இந்நடவடிக்கையில் கலந்து கொண்டுள்ள பல்வேறு நாடுகளின் கப்பல் அணி வகுப்பு மரியாதையையும் பார்வையிட்டு ஏற்றுக்கொண்டார்.

இந்நிகழ்ச்சியில் சீனக் கடற்படையின் அணு நீர்மூழ்கி கப்பல் முதன் முதலாக பொது மக்களுக்கு அறிமுகப்படுத்தப்பட்டது குறிப்பிடத்தக்கது.
முதல் கட்டத்தில் சீனப் படையைச் சேர்ந்த 24 போர் கப்பல்களும், 31 விமானங்களும் அணி வகுப்பு நடத்தின. 2வது கட்டத்தில், சீன xi ning எனும் கப்பலின் தலைமையில், பல்வேறு நாடுகளின் 22 போர் கப்பல்கள் அணி வகுப்பு நடத்தின.
சீனாவில் பன்னாட்டுக் கப்பல் படை அணி வகுப்பு நடைபெறுவது இதுவே முதல் முறையாகும்.